الماتى قالاسى جەتىسۋ اۋداندىق سوتىمەن قالالىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ ءبولىم باسشىسى ا. وسەربايەۆ سوتتالدى، دەپ حابارلايدى aqshamnews.kz.
انتيكوردىڭ مالىمدەۋىنشە، ول «Suberpro-com» ج ش س وكىلىنىڭ «سەرەبرالدىق سال اۋرۋى» دياگنوزى قويىلعان بالالارعا ارناۋلى الەۋمەتتىك قىزمەتتەر كورسەتۋ بويىنشا شارت جاساسۋعا جاردەمدەسۋ سىلتاۋىمەن 3،6 ملن تەڭگە سوماسىندا اقشا قاراجاتىن جىمقىرۋعا وقتالعانى ءۇشىن كىنالى دەپ تانىلدى.
وسەربايەۆقا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋعا ءومىر بويىنا تىيىم سالا وتىرىپ، 27 ملن تەڭگە كولەمىندە ايىپپۇل تۇرىندە جازا تاعايىندالدى.
سوت اكتىسى زاڭدى كۇشىنە ەندى.
سونىمەن قاتار كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.