مەدەۋ اۋدانىنىڭ №64 مەكتەبىندە قالالىق ءبىلىم باسقارماسىنىڭ قولداۋىمەن مەكتەپ مۇعالىمدەرى مەن قىزمەتكەرلەرى اراسىندا ۆولەيبولدان جارىس ءوتتى.
تۋرنيرگە 8 اۋداننان 8 كوماندا قاتىستى. جارىستىڭ باستالۋ سالتاناتىندا مەدەۋ اۋدانى ءبىلىم ءبولىمىنىڭ باسشىسى اقنۇر ورازحان قىزى ءسوز الىپ، مۇنداي شارانىڭ ماڭىزدىلىعىنا توقتالدى.
سپورتتىق جارىس تەك قاتىسۋشىلاردى عانا ەمەس، كورەرمەندەردى دە ەرەكشە شابىتقا جەتكىزدى. ۇيىمداستىرۋشىلاردىڭ ايتۋىنشا، پەداگوگتار اراسىنداعى ۆولەيبول ءتۋرنيرى جىل سايىن تۇراقتى تۇردە وتكىزىلىپ تۇراتىن بولادى.
ءوز سوزىندە الماتى قالاسى ءبىلىم باسقارماسىنىڭ باسشىسى سايران سايفەدەنوۆ جارىس قورىتىندىسى بويىنشا جەڭىمپازدار مەن جۇلدەگەرلەردى ەستەلىك سىيلىقتارمەن ماراپاتتالدى.
ءبىرىنشى ورىندى بوستاندىق اۋدانىنىڭ كومانداسى، ەكىنشى ورىندى مەدەۋ اۋدانى كومانداسى، ال ءۇشىنشى ورىندى الاتاۋ اۋدانى كومانداسى يەلەندى. بۇل جارىس شىنايى سپورت مەرەكەسىنە اينالىپ، قاتىسۋشىلار مەن كورەرمەندەرگە ۇمىتىلماس اسەر قالدىردى.