«Almaty Polytechnic Collegeء-نىڭ KIROSHI» كومانداسى نيدەرلاندىداعى حالىقارالىق FTC چەمپيوناتىندا ۇلكەن جەتىستىكتەرگە قول جەتكىزدى
نيدەرلانديانىڭ گااگا قالاسىندا روبوتوتەحنيكا سالاسىنداعى ەڭ بەدەلدى جارىستاردىڭ ءبىرى – FIRST Tech Challenge (FTC) حالىقارالىق چەمپيوناتى ءوتتى. بۇل بىرەگەي شارا الەمنىڭ تۇكپىر-تۇكپىرىنەن كەلگەن تالانتتى كوماندالاردى جيناپ، ولاردى جوعارى تەحنولوگيالىق روبوتتاردى جاساۋ، باعدارلامالاۋ جانە باسقارۋ بويىنشا سىنعا ءتۇستى. قازاقستاندى بۇل چەمپيوناتتا Almaty Polytechnic Collegeء-نىڭ KIROSHI كومانداسى لايىقتى تۇردە تانىتىپ، دايىندىقتىڭ جوعارى دەڭگەيىن، يننوۆاسيالىق ويلاۋدى جانە كوماندالىق رۋحتى كورسەتتى.
FIRST Tech Challenge – بۇل جاي عانا جارىس ەمەس، بۇل جاس ينجەنەرلەر مەن باعدارلاماشىلارعا كۇردەلى تەحنيكالىق ماسەلەلەردى شىنايى جاعدايلاردا شەشۋ ارقىلى ءوزىن كورسەتۋىنە جاسالىپ وتىرعان مۇمكىندىك. بيىلعى جارىس شارتىنا ساي، قاتىسۋشىلار روبوتتىڭ اۆتوماتتاندىرىلعان قوزعالىسىن، نىساندارمەن ارەكەتتەسۋىن جانە اليانس قۇرامىنداعى باسقا كوماندالارمەن ۇيلەسىمدى جۇمىسىن قامتيتىن بىرنەشە ويىن تاپسىرمالارىن ءتيىمدى ورىنداي الاتىن روبوت جاساۋعا ءتيىس بولدى. بۇل جەتىستىكتەر كوماندا مۇشەلەرىنىڭ جوعارى ينجەنەرلىك جانە باعدارلامالىق داعدىلارىن، سونداي-اق حالىقارالىق دەڭگەيدەگى باسەكەلەستىك جاعدايىندا جۇمىس ىستەۋ قابىلەتىن كورسەتەدى. FIRST Tech Challenge حالىقارالىق چەمپيوناتى Almaty Polytechnic College تاريحىنداعى ماڭىزدى كەزەڭدەردىڭ بىرىنە اينالدى. بۇل كوللەدج ستۋدەنتتەرىنىڭ كۇردەلى ينجەنەرلىك مىندەتتەردى شەشە الاتىنىن جانە ءوز ەلىن حالىقارالىق ارەنادا لايىقتى تۇردە تانىتا الاتىنىن تاعى ءبىر رەت دالەلدەدى.