«Tartyl Fest» رەسپۋبليكالىق تۋرنيككە تارتىلۋ فەستيۆالى وسىعان دەيىن قازاقستاننىڭ 19 قالاسىندا ءوتتى.
كەزەك نۇر-سۇلتان قالاسىنا جەتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
ءىس-شارانى ق ر پرەزيدەنتى جانىنداعى «دارا» دارىندىلاردى قولداۋ قورى ۇيىمداستىرىپ وتىر.
6 قىركۇيەك كۇنى «ەكسپو» ساحنالىق الاڭىندا وتەتىن فەستيۆالگە قاتىسۋعا نيەت تانىتقانداردى تىركەۋ ساعات 9.00-دە باستالىپ، 11.00-گە دەيىن جالعاسادى.
ال اشىلۋ سالتاناتى ساعات 14.00-دە وتەدى. ازىرگە ەل بويىنشا رەكوردتى قاراعاندى قالاسىندا 50 مارتە تارتىلعان ەۆگەنيي نامدا ورناتتى.
قاتىسۋشىلار جاس ەرەكشەلىكتەرىنە قاراي 3-كە بولىنەدى. اتاپ ايتقاندا، 18 جاسقا دەيىن (جاسوسپىرىمدەر)، 18-دەن 30 جاسقا دەيىن (جاستار) جانە 30 جاس پەن ودان ۇلكەندەر (ەرەسەكتەر).
جۇلدە قورى: 1-ورىن – 200 مىڭ تەڭگە، 2-ورىن – 100 مىڭ تەڭگە، 3-ورىن – 50 مىڭ تەڭگە.
گراند فينالدىڭ جۇلدە قورى: 1-ورىن – 3 ملن تەڭگە، 2-ورىن – 2 ملن تەڭگە، 3-ورىن – 1 ملن تەڭگە.