«احمەت بايتۇرسىن - ۇلت ۇستازى» اتتى كىتاپ جارىق كوردى

استانادا احمەت بايتۇرسىن ۇلىنىڭ 150 جىلدىق مەرەيتويىنا ارنالعان حالىقارالىق عىلىمي-پراكتيكالىق كونفەرەنسيا ءوتىپ جاتىر. 

ەلوردادا «احمەت بايتۋرسىنوۆ – ۋچيتەل ناسيي» اتتى ەڭبەگىنىڭ تۇساۋكەسەرى ءوتتى. كىتاپتىڭ 3 مىڭ داناسى ماسكەۋدىڭ «حۋدوجەستۆەننايا ليتەراتۋرا» باسپاسىندا شىعارىلعان، دەپ حابارلايدى Almaty-akshamy.kz Inbusiness.kz سىلتەمە جاساپ.

بۇل ەڭبەكتە احمەت بايتۇرسىن ۇلىنىڭ ءومىرى مەن شىعارماشىلىعى تۋرالى جازىلعان. تۋىندىنىڭ ورىس تىلىندە جارىق كورۋىنىڭ نەگىزگى سەبەبى رەتىندە وقىرمانداردىڭ سانىن كوبەيتۋ جانە ۇلت ۇستازىنىڭ شىعارماشىلىعىن ناسيحاتتاۋ ەكەنىن دەپ اتاپ ءوتتى ول.  

«احمەت بايتۇرسىن ۇلىنىڭ 150 جىلدىق مەرەيتويىن ۇلكەن دارەجەدە وتكىزۋ تۋرالى مەملەكەتتىك كوميسسيا قۇرىلعان بولاتىن. ۇكىمەتتىك ءىس-شارالار بەكىتىلدى. سونىڭ ىشىندە احمەت بايتۇرسىن ۇلىنىڭ ءومىرى، عيبراتى تۋرالى ورىس تىلىندە كىتاپ جاريالانسا دەگەن ءبىر تارماق تا بولدى. سول ەڭبەكتى اياقتاپ، 2-3 كۇن بۇرىن عانا ماسكەۋدىڭ «حۋدوجەستۆەننايا ليتەراتۋرا» باسپاسىنان ەڭبەكتىڭ شىققان تۋرالى حابار كەلىپ، كىتاپ تا جەتتى»، - دەدى تۇساۋكەسەردى ۇيىمداستىرۋشىلار.  

بۇدان بولەك ەلوردادا ۇلت ۇستازى احمەت بايتۇرسىن ۇلىنىڭ 150 جىلدىق مەرەيتويىنا ارنالعان حالىقارالىق عىلىمي-پراكتيكالىق كونفەرەنسيا ءوتىپ جاتىر. وعان اقش، تۇركيا، وزبەكستان، باشقۇرتستان، ۆەنگريا، رەسەي ەلدەرىنىڭ عالىمدارى قاتىسۋدا.