جولداۋدى قولداۋ: اتا كاسىبىمىز - قازاقتىڭ ءتورت تۇلىگىن ءوسىرۋدى جالعاستىرۋ كەرەك

پرەزيدەنت جولداۋىنا ءۇن قوسۋ.

ق ر پرەزيدەنتى قاسىم-جومارت توقايەۆتىڭ قازاقستان حالقىنا جولداعان كەزەكتى جولداۋىنا حالىق ءۇن قوسىپ، قولداۋ ءبىلدىرىپ جاتىر، دەپ حابارلايدى Almaty-akshamy.kz.

قازۇازۋ مال شارۋاشىلىعى حالىقارالىق زەرتتەۋ ورتالىعىنىڭ ديرەكتورى ءابدىراحمان ومبايەۆ جولداۋدا ايتىلعان ازىق-تۇلىك قاۋىپسىزدىگى ماسەلەسىنە توقتالدى.

«ازىق قاۋىپسىزدىگى تۋرالى پرەزيدەنت اسا ۇلكەن دەڭگەيدە ايتتى. ازىق قاۋىپسىزدىگى شىن مانىندە الەمدىك دەڭگەيدەگى ماسەلە. بۇل - قازاقستانعا  دا ءتان ماسەلە. ەكىنشى ۇلكەن ماسەلە - ەت-سۇت ماسەلەسى. بۇل دا ازىق-تۇلىكتىڭ ەڭ قاجەت تۇرلەرى بولىپ ەسەپتەلەدى. وسى ماسەلە مەنى كوپ ويلاندىرادى. ويتكەنى ءقازىر ءبىزدىڭ قولىمىزدا بار مالمەن ەت جونىنەن ءوزىمىزدى 100 پايىز قامتاماسىز ەتە الامىز. سۇتكە كەلسەك، 70-80% قامتاماسىز ەتە الامىز. وسى ماسەلەگە ءبىزدىڭ ءوزىمىزدىڭ عالىمدارىمىزدىڭ زەرتتەۋلەرىن باعىتتاۋىمىز كەرەك. اتا كاسىبىمىز - قازاقتىڭ تورت-تۇلىك مالىن ءوسىرۋ جولىن ارى قاراي جالعاستىرىپ، وسى باعىتتا ەڭبەك ەتۋىمىز كەرەك. سوندىقتان دا مەن پرەزيدەنتتىڭ جولداۋىن قولدايمىن. قازاقستاننىڭ وركەندەۋىنە كوپ مۇمكىندىك جاسالادى دەپ ويلايمىن»، - دەدى قازۇازۋ مال شارۋاشىلىعى حالىقارالىق زەرتتەۋ ورتالىعىنىڭ ديرەكتورى ءابدىراحمان ومبايەۆ.