الماتىدا 5 باعىت بويىنشا ساراپتامالار جۇرگىزىلۋدە
الماتى قالاسىندا 33 سوت ساراپشىسى قاڭتار ايىنداعى وقيعالار كەزىندەگى تارتىپسىزدىكتەر مەن توناۋ جاعدايلارىن تەرگەۋ اياسىندا جۇمىس ىستەپ جاتىر، دەپ حابارلايدى Almaty-akshamy.kz
ساراپتامانى 19 جەرگىلىكتى جانە باسقا وڭىرلەردەن ءىسساپارعا جىبەرىلگەن 14 مامان جۇرگىزىپ جاتىر. وسىلايشا، سوت ساراپشىلارىنىڭ جۇكتەمەسى قالىپتى شەگىندە، قاعازباستىلىققا سالىنۋ جانە جۇمىس مەرزىمىن كەشىكتىرۋ جاعدايلارى جوق.
جالپى، الماتى قالاسىندا 5 باعىت بويىنشا، اتاپ ايتساق، قۇرىلىس، تاۋارتانۋ، ءورت تەحنيكالىق، بالليستيكالىق جانە ەكونوميكالىق ساراپتامالار جۇرگىزىلۋدە.
پرەمەر-مينيستر ءاليحان سمايىلوۆتىڭ تاپسىرماسى بويىنشا جەدەل تەرگەۋ ماقساتىندا ادىلەت مينيسترلىگى 68 سوت ساراپشىسىنان تۇراتىن قوسىمشا رەزەرۆ قۇردى، ولاردىڭ كوپشىلىگى ەكونوميكالىق ساراپتاماعا ماماندانعان.
2021 جىلعى 31 قاڭتاردان باستاپ رەزەرۆتەگى مامانداردىڭ ءبىر بولىگى وڭىرگە جىبەرىلەدى. قالعاندارى ءتيىستى ورگانداردىڭ سوت ساراپتاماسىن تاعايىنداۋىنا قاراي جۇمىسقا تارتىلاتىن بولادى.
ۇكىمەتتىڭ باسپا ءسوز قىزمەتى وسىنداي ساراپتامالىق جۇمىستار شىمكەنت قالاسى مەن جامبىل، قىزىلوردا، الماتى، اقتوبە، شىعىس قازاقستان وبلىستارىندا دا جۇرگىزىلىپ جاتقانىن اتاپ ءوتتى.