بۇل شارا 347،7 مىڭ ادامعا اسەر ەتتى.
قازاقستان ۇكىمەتى مەملەكەت ازاماتتارىنا تولەيتىن الەۋمەتتىك كومەك كولەمىن ۇلعايتتى، دەپ حابارلايدى Almaty-akshamy.kz.
رەسمي دەرەك بويىنشا، 2022 جىلعى 1 قاڭتاردان باستاپ مەملەكەتتىك الەۋمەتتىك ساقتاندىرۋ قورىنان تولەنەتىن ءۇش الەۋمەتتىك تولەمنىڭ مولشەرى ۇلعايتىلدى. بۇل شارا 347،7 مىڭ ادامعا اسەر ەتتى.
«ق ر ۇكىمەتىنىڭ 17.11.2021 ج. № 820 قاۋلىسىنا سايكەس، ساتىپ الۋ قابىلەتىن ساقتاۋ ماقساتىندا اعىمداعى جىلعى 1 قاڭتاردان باستاپ ەڭبەك ەتۋ قابىلەتىنەن ايىرىلعان جاعدايدا (75 130 الۋشى) جانە اسىراۋشىسىنان ايىرىلعان جاعدايدا (52 096 الۋشى) ءماسق-تان تولەنەتىن اي سايىنعى الەۋمەتتىك تولەمدەردىڭ مولشەرى 5% - عا ارتتىرىلدى»، - دەگىنگەن ەڭبەك مينيسترلىگىنىڭ حابارلاماسىندا.
بۇل تولەمدەر ۇزاق مەرزىمدى بولىپ تابىلادى، ويتكەنى ولار بىرنەشە جىل بويى تولەنۋى مۇمكىن: ەڭبەك ەتۋ قابىلەتىنەن ايىرىلعان جاعدايدا – ادام ەڭبەككە قابىلەتتىلىگىن قالپىنا كەلتىرمەيىنشە نە زەينەتكەرلىك جاسقا جەتكەنشە؛ اسىراۋشىسىنان ايىرىلعان جاعدايدا – بالالارعا كامەلەتكە تولعانعا دەيىن جانە كۇندىزگى وقۋ نىسانىنىڭ ستۋدەنتتەرىنە 23 جاسقا دەيىن جۇزەگە اسىرىلادى.
ايتا كەتۋ كەرەك، جوعارىدا اتالعان تولەمدەردى الۋشىلار بيۋدجەت قاراجاتى ەسەبىنەن وسىنداي مەملەكەتتىك الەۋمەتتىك جاردەماقىلاردى دا الادى.
سونداي-اق، وسى جىلعى 1 قاڭتاردان باستاپ اەك مولشەرىنىڭ ۇلعايۋىنا بايلانىستى بالا كۇتىمىنە بايلانىستى تابىسىنان ايىرىلعان جاعدايدا ءماسق-تان 1 جاسقا دەيىنگى اي سايىنعى الەۋمەتتىك تولەم مولشەرى ارتتىرىلدى. بۇل شارا 220 462 الۋشىعا اسەر ەتتى.
«ەستەرىڭىزگە سالا كەتەيىك، جوعارىدا اتالعان الەۋمەتتىك تولەمنىڭ مولشەرى بالانىڭ تۋعان كۇنىنە دەيىنگى سوڭعى 2 جىلداعى ورتاشا تابىستىڭ 40%-ىن قۇرايدى. بۇل رەتتە بۇل الەۋمەتتىك تولەمنىڭ ەڭ تومەنگى مولشەرى ۇستالۋعا جاتاتىن مىندەتتى زەينەتاقى جارنالارىن قوسىمشا ەسەپتەي وتىرىپ، «بالالى وتباسىلارعا بەرىلەتىن مەملەكەتتىك جاردەماقىلار تۋرالى» زاڭعا سايكەس تۋىلعان بالانىڭ كەزەكتىلىگىنە قاراي بەلگىلەنگەن اي سايىنعى مەملەكەتتىك جاردەماقى مولشەرىنەن كەم بولماۋعا ءتيىس»،- دەپ حابارلايدى ماماندار.
جوعارىدا كورسەتىلگەن بارلىق الەۋمەتتىك تولەمدەردىڭ مولشەرىن ارتتىرۋ ءماسق اكتيۆتەرى ەسەبىنەن جۇزەگە اسىرىلدى. وسىلايشا، الەۋمەتتىك قامسىزداندىرۋدىڭ قوسىمشا نىسانىن الۋدا جۇمىس ىستەيتىن حالىقتىڭ مۇددەلەرى قورعالدى.