بۇل اقپاراتتى سوتتىڭ باسپا ءسوز قىزمەتى راستاپ وتىر.
نۇر-سۇلتان قالاسىنىڭ تەرگەۋ سوتى ق ر ەكولوگيا، گەولوگيا جانە تابيعي رەسۋرستار ۆيسە-مينيسترى احمەتجان ءپىرىمقۇلوۆ پەن «وكم وپەراتورى» جشس-نىڭ بۇرىنعى باسقارما ءتوراعاسى مەدەت قۇمارعالييەۆتى ەكى ايعا قاماۋعا الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل اقپاراتتى ەلوردا سوتىنىڭ باسپا ءسوز قىزمەتى راستادى.
«2022 جىلعى 27 قاڭتاردا نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتىلەر ا.ا.ءپىرىمقۇلوۆ پەن م.ك.قۇرمانعالييەۆكە قاتىستى 2 اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىن سانكسيالادى. ق ر قىلمىستىق پروسەستىك كودەكسىنىڭ 201-بابىنا سايكەس، سوتقا دەيىنگى تەرگەپ-تەكسەرۋدىڭ باسقا دەرەكتەرىن جاريا ەتۋگە جول بەرىلمەيدى»، - دەپ جازىلعان مالىمەتتە.
ەسكە سالساق، 26 قاڭتاردا ق ر ەكولوگيا، گەولوگيا جانە تابيعي رەسۋرستار ۆيسە-مينيسترى احمەتجان ءپىرىمقۇلوۆ پەن «وكم وپەراتورى» ج ش س باسقارما ءتوراعاسى مەدەت قۇمارعالييەۆ ۇستالعان بولاتىن.
سول كۇنى «وكم وپەراتور» ءجشس-نىڭ باسقارۋشى ديرەكتورى رۋسلان شامشييەۆتىڭ مۇردەسى تابىلىپ، ەلوردانىڭ «ەسىل» اۋداندىق پوليسيا ءبولىمى ق ر قىلمىستىق كودەكسىنىڭ 105-بابىمەن (ءوزىن-وزى ولتىرۋگە دەيىن جەتكىزۋ) قىلمىستىق ءىس قوزعادى.
ايتا كەتەيىك، 2022 جىلعى 11 قاڭتاردا قازاقستان رەسپۋبليكاسى پارلامەنتى ءماجىلىسىنىڭ وتىرىسىندا سويلەگەن سوزىندە مەملەكەت باسشىسى قاسىم-جومارت توقايەۆ «وكم وپەراتورى» ءجشس-نىڭ كادەگە جاراتۋ الىمىن جۇرگىزۋ جانە كادەگە جاراتۋ الىمىنا يەلىك ەتۋىن توقتاتۋ تۋرالى تاپسىرما بەردى.