الماتىدا ەپيلەپسيا تالماسىنا ۇشىراعان ەر ادامدى پوليسەيلەر قۇتقارىپ قالدى
الماتىدا پوليسەيلەر رولدە ءوزىن ناشار سەزىنگەن جۇرگىزۋشىنى قۇتقارىپ قالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءبىزدىڭ بولىمشە قىزمەتكەرلەرى ەپيلەپسيا تالماسى ۇستاپ قالعان 55 جاستاعى جۇرگىزۋشىگە كومەك كورسەتتى. جولداعى وقيعا 16 قاراشادا ورىن العان. ءبىزدىڭ پوليسيا قىزمەتكەرلەرى ەركەبۇلان يساحانوۆ پەن ەربولات بۋلات، شىڭعىس قاسىم جانە ءابىلقايىر ەرجان شەمياكين كوشەسىمەن كەلە جاتتى. ءدال وسى ۋاقىتتا Toyota كولىگى قاتار كەلە جاتتى. جول بويىندا كولىك قيسالاڭداپ، باعاناعا سوعىلدى. ولار ەر ادامنىڭ كولىكتەن شىعۋىنا كومەكتەسىپ، العاشقى مەديسينالىق كومەك كورسەتىپ، ەسىن جيعىزىپ، جەدەل جاردەم شاقىردى. قازىرگى ۋاقىتتا ەر ادامنىڭ ءومىرى مەن دەنساۋلىعىنا ءقاۋىپ ءتونىپ تۇرعان جوق»، – دەدى الماتى قالالىق پد ايداۋىلداۋ قىزمەتى باتالونىنىڭ كومانديرى، الماز قاحاروۆ.
ال قۇتقارىلعان ەر ادام پوليسياعا جەدەل ارەكەت ەتىپ، دەر كەزىندە كومەك كورسەتكەنى ءۇشىن العىسىن ءبىلدىردى.