وسىعان دەيىن «تاڭبالى» مەملەكەتتىك تاريحي-مادەني جانە تابيعي مۋزەي-قورىعىنداعى كەلەڭسىزدىك تۋرالى عالىمدار مەن قوعام قايراتكەرلەرى ماسەلە كوتەرگەن بولاتىن. كوتەرىلگەن پروبلەما مەملەكەت باسشىسىنىڭ نازارىنان تىس قالمادى. مەملەكەت باسشىسى اتىراۋ قالاسىندا وتكەن ءۇشىنشى ۇلتتىق قۇرىلتايدا تاريحي جادىگەرلەر جايىن ءسوز ەتكەن ەدى. اراعا كوپ ۋاقىت سالماي يۋنەسكو-نىڭ بۇكىلالەمدىك مۇرالار تىزىمىنە ەنگەن قازاقستان رەسپۋبليكاسى مادەنيەت جانە اقپارات مينيسترلىگى مادەنيەت كوميتەتىنىڭ «تاڭبالى» مەملەكەتتىك تاريحي-مادەني جانە تابيعي مۋزەي-قورىعىندا قازاقستان رەسپۋبليكاسىنىڭ مەملەكەتتىك كەڭەسشىسى ەرلان تىنىمباي ۇلى قارين ارنايى بارىپ، تاريحي ورىندى كورىپ قايتتى.
ەرلان تىنىمباي ۇلى ارحەولوگيالىق كەشەنىندە بولىپ پەتروگليفتەردى ساقتاۋ جانە قورعاۋ جاعدايىنا قاراپ، بۇگىنگى كۇندە ورىن الىپ وتىرعان وزەكتى ماسەلەلەر قوزعالىپ، سونىمەن قاتار تاڭبالى ايماعىندا باسقادا پەتروگليفتەر شوعىرلانعان اۋماقتار اققاينار، باسباتىر، سەرىكتاس، قاراقىر جانە سول سياقتى وزگەدە جارتاس سۋرەتتى شوعىرلانعان ارحەولوگيالىق ايماقتاردى قورعاۋ تۋرالى ءسوز قوزعالدى.
سونداي-اق، «تاڭبالى» مۋزەي-قورىعىنىڭ ۇجىمىنىڭ اتقارىپ جاتقان جۇمىسىمەن تانىستى
تاڭبالى مۋزەي-قورىعى قازاقستان رەسپۋبليكاسى، الماتى وبلىسى، جامبىل اۋدانى، الماتى قالاسىنان 170 كم سولتۇستىك-باتىستا، قاراباستاۋ كەنتىنەن سولتۇستىك-باتىسقا قاراي 4 كم جەردە ورنالاسقان.
تاڭبالى مۋزەي-قورىعىنىڭ جالپى اۋدانى 3800 گا قۇرايدى، ال ساپار ورتالىعى ءۇشىن 24 گا جەر بەرىلگەن.
«تاڭبالى» قورىق-مۋزەيىنىڭ ساپار ورتالىعى 2019 جىلى پايدالانۋعا بەرىلدى. بارلىق تالاپتارعا ساي زاماناۋي ۇلگىدە جابدىقتالعان عيمارات ەكسپوزيسيالىق زال، كونفەرەنس-زال، كىتاپحانا، زەرتحانا، كەڭسە، اسحانا جانە جاتاقحانامەن قامتىلعان.
تاڭبالى ورتا ازياداعى جارتاستاعى ونەردىڭ يۋنەسكو-نىڭ بۇكىلالەمدىك مۇرالار تىزىمىنە ەنگىزىلگەن ءبىرىنشى ەسكەرتكىش.