ساپاروۆ پيازعا قاتىستى سىنعا جاۋاپ بەردى

ۆەدومستۆو باسشىسى الەمدە پياز باعاسى تومەندەگەنىن العا تارتتى.

اۋىل شارۋاشىلىعى ءمينيسترى ايداربەك ساپاروۆ پياز ەكسپورتى تومەندەگەنىن ايتتى، دەپ حابارلايدى اlmaty-akshamy.kz. 

ۆەدومستۆو باسشىسىنىڭ سوزىنشە، بيىلدان باستاپ مينيسترلىك ينديكاتيۆتى جوسپاردى وبلىس اكىمدىكتەرىنە جەتكىزە باستادى. 

"بۇرىن مۇنداي بولماعان. پيازعا كەلەتىن بولساق، شىنىندا دا الدىڭعى جىلدارى باعا قىمباتتاپ كەتىپ، شارۋاشىلىقتار اينالىسا باستادى. جالپى الەمدە ونىڭ باعاسى تومەن ءتۇسىپ قالدى. ويتكەنى ەكسپورت تا تومەندەپ قالدى. الدىڭعى جىلى 180 مىڭ ەكسپورتقا جىبەرەتىن بولساق، بيىل – 117 مىڭ. ەكسپورتىمىز 70 مىڭعا تومەندەپ قالدى. ىشكى سۇرانىس تا ازايدى. سوندىقتان باعا تومەندەپ كەتتى. وعان قاراماستان جۇمىستار جالعاسىپ جاتىر. ساۋدا جانە ينتەگراسيا، كولىك مينيسترلىكتەرىمەن بىرگە جۇمىس ىستەلىنۋدە. ءقازىر بۇل پيازدىڭ 160 مىڭىن ساتۋ كەرەك. گرۋزيا، ازەربايجانمەن كەلىسىمشارت بار"، - دەدى مينيستر ۇكىمەت وتىرىسىندا وتكەن بريفينگتە.

ايتا كەتۋ كەرەك، وسىعان دەيىن قوعام بەلسەندىسى سانجار بوقايەۆ الماتى وبلىسىندا پياز ءشىرىپ جاتقانىن الەۋمەتتىك جەلىدە حابارلاعان بولاتىن.