27 ناۋرىزدا القابيلەردىڭ قاتىسۋىمەن قۋاندىق بيشىمبايەۆ پەن ونىڭ تۋىسى باقىتجان بايجانوۆقا قاتىستى قىلمىستىق ءىس بويىنشا سوت تالقىلاۋى وتەدى. سوت پروسەسى جابىق رەجيمدە وتەدى، دەپ حابارلايدى almaty-akshamy.kz
استانا سوتىنىڭ باسپا ءسوز قىزمەتىنىڭ حابارلاۋىنشا القابيلەر قۇرامى 27 ناۋرىزدا ىرىكتەلەدى. زاڭگەر ايگەرىم قۇسايىن قىزى بيشىمبايەۆتىڭ القابيلەر سوتىنا جۇگىنۋىن «اقتالۋعا دەگەن ۇمتىلىس» دەپ سانايدى. ساراپشىنىڭ ايتۋىنشا، قولدانىستاعى تاجىريبەدە القابيلەر سوتىندا قارالعان ىستەردىڭ اقتالۋ ىقتيمالدىعى بەس ەسە جوعارى.
قازاقستان رەسپۋبليكاسىنىڭ 75-بابىنىڭ 2-تارماعىنا سايكەس زاڭدا كوزدەلگەن جاعدايدا قىلمىستىق پروسەسس القا بيلەردىڭ قاتىسۋىمەن وتەدى. ياعني، القابيلەر سوتىنا جۇگىنۋ كەز كەلگەن قازاقستان ازاماتىنىڭ كونستيتۋسيالىق قۇقىعى. بيشىمبايەۆ مىرزا كونستيتۋسيالىق قۇقىعىنا سىلتەمە جاساۋ ارقىلى اتالعان ىسكە جاريالىلىق سيپات بەرگىسى كەلگەن ءتارىزدى. ءبىرىنشى كۇنى-اق ول وزىنە تاعىلعان كىنانى مويىنداماعاندىقتان، «مەنىڭ كىناسىز ەكەندىگىمدى بۇكىل حالىق كورسىن» دەپ ايتقىسى كەلگەن ءتارىزدى. سونىمەن قاتار اقتالۋعا دەگەن ۇمتىلىس دەپ ويلايمىن. سەبەبى قازاقستانداعى القابيلەر سوتىنىڭ اقتاۋ كورسەتكىشى 10 پايىز. ال جالپى سوتتاردا بۇل كورسەتكىش 1،5-2 پايىز. ياعني، القابيلەر سوتىندا قارالعان ءىستىڭ اقتالۋ ىقتيمالدىعى 5 ەسە جوعارى دەگەن ءسوز. زاڭ وعان مۇمكىندىك بەرىپ وتىر، – دەيدى زاڭگەر.