جەڭىس كۇنى قارساڭىندا الماتىدا مەرەكەلىك شارالار مازمۇنىنىڭ ءار الۋاندىعىمەن ەستە قالدى. تاريحي داتانى ەسكە الۋعا ارنالعان شارالار قاتارىندا «جادى پويىزىن» قارسى الۋ سالتاتى مەرەكەنىڭ ءمانىن اشا ءتۇستى.
الماتى-2 تەمىرجول ۆوكزالىنىڭ پەررونىندا ءوتكەن مەرەكەلىك جيىننىڭ شىمىلدىعىن قۇرمانعازى اتىنداعى قازاق ۇلتتىق حالىق اسپاپتار وركەسترى اشتى. ال تەمىرجولشىلار مەن مەكتەپ وقۋشىلارى پوتريوتتىق اندەر شىرقاپ، جەڭىس رۋحىنا ارنعالعنا ولەڭدەر وقىدى.
ءىس-شارانىڭ باستى ءمانى تاريحي پاروۆوزدىڭ الماتى-2 پەررورىنا قويىلۋى بولدى. بۇل پاراۆوز سوعىس اياقتالعان 1945 جىلى بەرليننەن الماتىعا اكەلىنگەن. سوعىس ءداۋىرىنىڭ جادىگەرى الماتى تەمىرجولىنداعى سوڭعى تاريحي پاراۆوز سانالادى.
–"بۇگىن بۇل تاريحي پاراۆوزدى سوعىس كەزىندە پايدالانىلعان ۆاگوندارىمەن بىرگە شىعارىپ، وسىندا الىپ كەلدىك. ونداعى ماقساتىمىز تاريحتىڭ ءبىر ۇزىگىن قازىرگى ۇرپاققا كورسەتۋ، سول كەزدەگى قولدانىلعان تەحنيكالاردى، تەمىرجولشىلاردىڭ ەڭبەگىن، ولاردىڭ جەڭىستەگى ءرولىن ۇعىندىرۋ. الماتى تەمىر جولىندا سوعىس كەزىنەن بەرى ساقتالعان سوڭعى پاراۆوز، سوندىقتان ونىڭ تاريحي قۇنى جوعارى"، – دەيدى الماتى تەمىرجولشى ارداگەرلەر كەڭەسىنىڭ ءتوراعاسى دۋان وماروۆ.–"جەڭىس كۇنىندە الماتى-2 تەمىرجول ۆوگزالىنا تاريحي ەشەلون كەلىپ تۇر. بۇگىنگى ۇلتتىق-پاتريوتتىق ءىس-شاراعا كوپتەگەن جاستاردىڭ كەلىپ قاتىسىپ جاتقانى قۋانتادى. جاستارىمىزدىڭ ءوز تاريحىن بىلۋمەن قاتار اتالارىمىز بەن اكەلەرىمىزدىڭ ەرلىگىن ۇمىتپاۋى، بۇگىنگى بەيبىت وتانىمىزدى ءسۇيۋى دە اسا ماڭىزدى دەپ ويلايمىن"، – دەيدى ۆوگزال شارۋاشىلىقدەپارتامەنتى ديرەكتورىنىڭ ورىنباسارى قاجىمۇقان يبراگيموۆ.
تاريح جۇگىن سۇيرەگەن پويىزدى كورۋگە كەلگەن الماتىلىقتار اراسىندا 6 جاستاعى قادىرجان دا بولدى. ول اناسىمەن بىرگە مەرەكەلىك شارانى كورۋگە ارنايى كەلگەن.
ول تاريح ەشەلون جانىندا تۇرىپ «سوعىس بولماسا ەكەن، بەيبىتشىلىك ورناسا ەكەن! الەمنىڭ بار بالالارى الاڭسىز ويناسا ەكەن!» دەگەن ءانىن شىرقادى. كونسەرتتىك شارالاردان كەيىن ارداگەرلەر مەن تەمىرجولشىلار، مەكتەپ وقۋشىلارى اسكەري-دالا اسحاناسىنان تاماقتانىپ، ەستەلىك سۋرەتتەرگە ءتۇستى.