بالالاردىڭ قاۋىپسىزدىگى قامتاماسىز ەتىلەدى
قازاقستاندا تاربيەشىلەردىڭ جۇكتەمەسى ازايىپ، جالاقىسى كوبەيەدى. بۇل تۋرالى وقۋ-اعارتۋ ءمينيسترى اسحات ايماعامبەتوۆ ايتتى، دەپ حابارلادى Almaty-akshamy.kz Halyq Uni سايتىنا سىلتەمە جاساپ.
ونىڭ ايتۋىنشا، بالاباقشالاردىڭ قولجەتىمدىلىگى مەن ساپاسىنا باسا ءمان بەرىلەدى.
«2-6 جاسقا دەيىنگى بالالاردى مەكتەپكە دەيىنگى بىلىممەن قامتاماسىز ەتۋ ءۇشىن جاڭا بالاباقشالار اشىلادى. مەملەكەتتىك تاپسىرىستى جەكەمەنشىك بالاباقشالارعا بەرۋدى ءارى قاراي جالعاستىرامىز. مەملەكەت باسشىسىنىڭ تاپسىرماسىنا سايكەس، تاربيەشىلەردىڭ جۇكتەمەسى ازايىپ، جالاقىلارى كوبەيتىلەدى. تاربيەشىلەردىڭ بىلىكتىلىگىن ارتتىرۋ جانە اتتەستاتتاۋ جۇمىستارى ۇيىمداستىرىلادى»، – دەدى مينيستر ۇكىمەت وتىرىسىندا.
سونداي-اق اسحات ايماعامبەتوۆ بالالاردىڭ قاۋىپسىزدىگىن قامتاماسىز ەتۋ بويىنشا تاعى دا قوسىمشا كەشەندى شارالار قاراستىرىلاتىنىن اتاپ ءوتتى.