بيىل شەرحان مۇرتازانىڭ تۋعانىنا 90 جىل تولىپ وتىر.
بۇل تۋرالى پرەمەر-مينيستر ءاليحان سمايىلوۆتىڭ سەنات دەپۋتاتتارى جولداعان ساۋالىنا بەرگەن جاۋابىندا ايتىلعان، دەپ حابارلايدى Almaty-akshamy.kz Egemen.kz سىلتەمە جاساپ.
«بيىل قازاق ادەبيەتى مەن جۋرناليستيكا سالاسىندا وشپەس ءىز قالدىرعان بەلگىلى قالامگەر شەرحان مۇرتازانىڭ تۋعانىنا 90 جىل تولىپ وتىر. جازۋشىنىڭ ەل مۇددەسى ءۇشىن اتقارعان ەڭبەگى مەملەكەت تاراپىنان جوعارى قۇرمەتكە لايىق. بۇل رەتتە قولدانىستاعى «مەرەيتويلار مەن اتاۋلى كۇندەردى مەرەكەلەۋ تۋرالى» ۇكىمەت قاۋلىسىنا سايكەس جەكەلەگەن تۇلعالاردىڭ مەرەيتويلارى العاشقى ءجۇز جىلدىقتا – ءجۇز جىلدىعى، ودان كەيiنگi ءجۇزجىلدىقتاردا ءاربiر جيىرما بەس جىلدا اتالىپ وتەدi. وسى ورايدا ش.مۇرتازانىڭ مەرەيتويى زاڭناماعا سايكەس مەرزىم تولعان كەزدە مەرەيتويلار تىزبەسىنە ەنگىزىلىپ، ءتيىستى جۇمىس جۇرگىزىلەتىن بولادى»، - دەپ اتاپ ءوتتى ۇكىمەت باسشىسى سەنات دەپۋتاتتارىنىڭ ساۋالىنا بەرگەن جاۋابىندا.
دەگەنمەن، ونىڭ دەرەگىنشە، بۇگىنگى كۇنى تۇلعانىڭ ەسىمىن ۇلىقتاۋ ماقساتىندا ءبىرقاتار ءىس-شارالار جۇزەگە اسىرىلۋدا. اتاپ ايتقاندا ش.مۇرتازانىڭ ەسىمى جامبىل مەن تۇركىستان وبلىستارىندا 6 وبەكتىگە (ءبىلىم بەرۋ، مادەنيەت مەكەمەلەرى)، اقتوبە وبلىسى مەن الماتى قالاسىندا كوشەلەرگە بەرىلگەن. ال نۇر-سۇلتان قالاسى كوشەلەرىنىڭ بىرىنە ش.مۇرتازانىڭ ەسىمىن بەرۋ تۋرالى ۇسىنىس وسى 15 ماۋسىمدا وتكەن نۇر-سۇلتان قالاسى ءماسليحاتى كوپشىلىك تىڭداۋلارىندا قولداۋ تاۋىپ، بۇدان ءارى قولدانىستاعى زاڭناما تالاپتارىنا سايكەس ءتيىستى جۇمىس جۇرگىزىلىپ جاتىر.
«ال ءبىلىم مەكەمەلەرىنىڭ بىرىنە جازۋشى ەسىمىن بەرۋ ۇسىنىسى الداعى ۋاقىتتا وتەتىن قالالىق ونوماستيكا كوميسسياسىنىڭ وتىرىسىنا ەنگىزىلەدى. سونداي-اق تۋعان جەرى جامبىل وبلىسى جۋالى اۋدانى، تالاپتى اۋىلىندا شەرحان مۇرتازا ادەبي-مەموريالدىق ءۇيىنىڭ اشىلۋى، «اۋىلدى، سەنى ساعىندىم...» اتتى ش.مۇرتازانىڭ قولجازبالارى جيناعىنىڭ تۇساۋكەسەرى، رەسپۋبليكالىق عىلىمي-پراكتيكالىق كونفەرەنسيا، «شەرحان وقۋلارى» بايقاۋى، وبلىستىق اقىندار ايتىسى، ۇلتتىق سپورت تۇرلەرىنەن جارىستار، سالتاناتتى جيىندار، «شىننىڭ ءجۇزى - شەراعا» رەسپۋبليكالىق اقىندار ءمۇشايراسىن جانە نۇر-سۇلتان مەن الماتى قالالارىنداعى ۇلتتىق كىتاپحانالاردا تۇلعانىڭ كىتاپ كورمەسى مەن دوڭگەلەك ۇستەل، الماتى قالاسىنىڭ ورتالىقتاندىرىلعان كىتاپحانا جۇيەسىندە ءبىرقاتار ءىس-شارالار وتكىزۋ جوسپارلانىپ وتىر»، - دەدى ءاليحان سمايىلوۆ.
پرەمەر-مينيستردىڭ اتاپ وتۋىنشە، بۇگىنگى كۇنى تاراز قالاسىندا ش.مۇرتازاعا ارناپ ورناتىلاتىن ەسكەرتكىشتىڭ ەسكيز جوبالارى جامبىل وبلىسى زيالى قاۋىم وكىلدەرىنەن قۇرالعان ارنايى كوميسسيادا سارالاندى. الداعى ۋاقىتتا جوبالار قازاقستان رەسپۋبليكاسىنىڭ مونۋمەنتتىك ونەر قۇرىلىستارىن ورناتۋ جونىندەگى مەملەكەتتىك كوميسسيانىڭ قاراۋىنا جولدانىپ، زاڭنامادا بەلگىلەنگەن تارتىپكە سايكەس ءتيىستى جۇمىس جۇرگىزىلەدى. دەرەكتى فيلم ءتۇسىرۋ تۋرالى شەشىم «كينەماتوگرافيا تۋرالى» قازاقستان رەسپۋبليكاسى زاڭىنا سايكەس ۋاكىلەتتى ورگان - ساراپتاما كەڭەسىنىڭ وڭ قورىتىندىسى جانە ۇلتتىق فيلمدەردى مەملەكەتتىك قارجىلىق قولداۋ ماسەلەلەرى جونىندەگى ۆەدومستۆوارالىق كوميسسيانىڭ ۇسىنىمى نەگىزىندە قابىلدانادى.
«اتالعان ماسەلە بويىنشا كينوجوبالاردىڭ اۆتورلارى تاراپىنان اشىق كونكۋرس ارقىلى ۇسىنىس بەرىلگەن جاعدايدا، «ۇلتتىق كينونى قولداۋ مەملەكەتتىك ورتالىعى» كوممەرسيالىق ەمەس اكسيونەرلىك قوعامى بەلگىلەنگەن تارتىپكە سايكەس كەڭەس پەن كوميسسيانىڭ قاراۋىنا جيناقتاپ ەنگىزەدى. ءارى قاراي ماسەلە زاڭناما اياسىندا قاراستىرىلادى. سونىمەن قاتار مۇددەلى مەملەكەتتىك ورگاندارعا ش.مۇرتازانىڭ 90 جىلدىق مەرەيتويىن اتاپ ءوتۋ جونىندەگى ءىس-شارالار جوسپارىن ازىرلەۋ جانە ءتيىستى جۇمىستى ۇيىمداستىرۋ تاپسىرىلدى»، - دەدى ول.