ول بۇعان دەيىن دە وسىنداي ارەكەتىمەن ءىستى بولعان
قۇقىق بۇزۋشى وسى جىلدىڭ 30 مامىرىندا ۇستالدى، دەپ حابارلايدى Almaty-akshamy.kz وبلىستىق پد-عا سىلتەمە جاساپ.
تۇرار رىسقۇلوۆ اتىنداعى ساياباقتىڭ اۋماعىن پاترۋلدەۋ كەزىندە تاراز قالاسىنىڭ پوليسيا باسقارماسى 1-پوليسيا ءبولىمىنىڭ قىزمەتكەرلەرى پوليسيا فورماسىنداعى كۇدىكتى جاس جىگىتتى بايقادى.ساياباقتا سەرۋەندەپ جۇرگەن جىگىت پوليسيا قىزمەتكەرلەرىن كورىپ ساسىپ قالعان.
تەكسەرۋ بارىسىندا ءتارتىپ ساقشىلارى جالعان پوليسەيدىڭ 19 جاستا ەكەنىن جانە ونىڭ تۇركىستان وبلىسىنىڭ تۇرعىنى ەكەنىن انىقتادى. ۇستالعان ازاماتتىڭ وسىنداي قىلمىسى ءۇشىن 2022 جىلدىڭ ءساۋىر ايىندا شىمكەنت قالاسىندا سوتتى بولعانى بەلگىلى بولدى.ول كەزدە جاس جىگىت تجد قىزمەتكەرىنىڭ نىساندى كيىمىن كيگەن ەكەن. ونىڭ مۇنداي قادامعا قانداي ماقساتپەن بارعانىن تەرگەۋ انىقتايتىن بولادى.
اتالعان دەرەككە قاتىستى ق ر قك 390-بابىنىڭ 1ء-بولىمى بويىنشا سوتقا دەيىنگى تەرگەۋ امالدارى باستالدى. وسى باپتىڭ سانكسياسى سەكسەن ايلىق ەسەپتىك كورسەتكىشكە دەيىنگى مولشەردە ايىپپۇل سالۋ نە سول مولشەردە تۇزەۋ جۇمىستارى نە سەكسەن ساعاتقا دەيىنگى مەرزىمگە قوعامدىق جۇمىستارعا تارتۋ نەمەسە جيىرما تاۋلىككە دەيىنگى مەرزىمگە قاماۋ تۇرىندەگى جازانى كوزدەيدى.