الماتى تاۋلارىندا نايزاعاي ويناۋى مۇمكىن
الماتى قالالىق توتەنشە جاعدايلار دەپارتامەنتى قالا قوناقتارى مەن تۇرعىندارىن ەرتەڭ تاۋعا بارماۋعا شاقىردى، دەپ حابارلايدى Almaty-akshamy.kz.
«7 ماۋسىمدا الماتى تاۋلارىندا نايزاعاي ويناۋى مۇمكىن. سونىمەن قاتار وڭتۇستىك-شىعىستان سوققان جەلدىڭ ەكپىنى سەكۋندىنا 15-20 مەترگە دەيىن بارادى. سوندىقتان تاۋعا بارماۋدى جانە 112 ەسكەرتۋ دابىلدارىن، ب ا ق، تەلەديدار، راديو حابارلامالارىن قاداعالاۋدى سۇرايمىز»،- دەلىنەدى تجد حابارلاماسىندا.
ەسكە سالايىق، بۇگىن قازاقستاننىڭ كوپتەگەن قالالارىندا جايلى مەتەورولوگيالىق جاعداي ساقتالىپ، تەك نۇر-سۇلتان، الماتى جانە اتىراۋ قالالارىندا كۇن رايى بۇزىلۋى مۇمكىن ەكەنىن حابارلاعان بولاتىنبىز.