2021 جىلى الماتىدا 42 مىڭنان استام ءسابي دۇنيەگە كەلگەن
رەفەرەندۋم كۇنى الماتىدا 81 نارەستە دۇنيە ەسىگىن اشتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، 5 ماۋسىم كۇنى مەگاپوليستەگى پەرزەنتحانالاردا جالپى سانى 81 بالا دۇنيە ەسىگىن اشقان.
ونىڭ 40-ى - ۇل، 41ء-ى - قىز بالا. اراسىندا ەگىز بالالار دا بار.
«بالام رەفەرەندۋم كۇنى دۇنيەگە كەلدى. ۇل بالا. بۇل - ەلىمىز ءۇشىن تاريحي وقيعا. سوندىقتان جاقىسىلىققا بالاپ وتىرمىز. بۇل كۇنى دۇنيەگە كەلگەن سابيلەر جاڭا قازاقستاننىڭ باقىتتى، بولاشاعى جارقىن ازاماتى بولسىن»، - دەيدى جاس انا ۆەنارا كارىبايەۆا.
2021 جىلى الماتىدا 42 مىڭنان استام ءسابي دۇنيەگە كەلگەن.
ەسكە سالايىق، تاۋەلسىزدىكتىڭ 30 جىلدىق مەرەيتويىندا دۇنيەگە كەلگەن سابيلەرگە مەملەكەت باسشىسى قاسىم-جومارت توقايەۆتىڭ اتىنان ارنايى سىيلىقتار تابىس ەتىلدى.
«ءسۇيىنشى» دەپ الاتىن قوراپقا سابيلەرگە قاجەتتى جورگەك، كيىم-كەشەك پەن وزگە دە زاتتار سالىنعان.
ەسكە سالا كەتەيىك، مۇنىڭ الدىندا رەفەرەندۋم كۇنى اتىراۋدا 33 نارەستە، نۇر-سۇلتاندا 65 ءسابي دۇنيەگە كەلگەنىن جازعان ەدىك.