الماتىعا «كەلە جاتقان» ەسىرتكىنىڭ جولى كەسىلدى.
جامبىل وبلىسىنىڭ تۇرعىنى كەپتىرىلگەن ماريحۋانانى كولىكپەن الماتىعا جەتكىزبەك بولعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
جەدەل اقپاراتتى ىسكە اسىرۋ بارىسىندا شۋ اۋدانىنىڭ قۇمدى ايماعىندا اسا ءىرى مولشەردە ەسىرتكى زاتتارىن ساقتادى دەگەن كۇدىكپەن 31 جاستاعى جەرگىلىكتى تۇرعىن ۇستالدى.
جەدەل-ىزدەستىرۋ شارالارى ەسىرتكى بيزنەسىنە جانە ناشاقورلىققا قارسى كۇرەستىڭ 2023-2025 جىلدارعا ارنالعان كەشەندى جوسپارى اياسىندا جامبىل وبلىسىنىڭ پد ەققىقب قىزمەتكەرلەرىنىڭ ق ر ءىىم ەققىقد قىزمەتكەرلەرىمەن بىرلەسۋىمەن جۇرگىزىلدى. جەكە ءتىنتۋ كەزىندە ۇستالعان ادامنىڭ كۇرتەسىنىڭ قالتاسىنان وسىمدىك تەكتەس زاتتارى بار پوليەتيلەن پاكەت تابىلدى.
سونداي-اق اۋماقتى تەكسەرۋ بارىسىندا جاڭادان ورىلعان وسىمدىكتەردىڭ ءۇيىندىسى مەن كۇدىكتى سول كۇنى جەرگىلىكتى بازاردان ساتىپ العان وراق تابىلدى. ساراپتاما قورىتىندىسىنا سايكەس، انىقتالعان زاتتار – جالپى سالماعى 66 كەلى 400 گرامم كەپتىرىلگەن ماريحۋانا جانە جالپى سالماعى 1 گرامم 65 ملگر گاشيش ەسىرتكى زاتتارى بولدى. ۇستالعان ازاماتتىڭ ايتۋىنشا، سول كۇنى كۇدىك تۋدىرماس ءۇشىن جانە دىتتەگەن جەرىنە كوزگە تۇسپەي جەتۋ ءۇشىن تۋىستارىنان جىلقى سۇراعان. ول ەسىرتكىنى قۇمدى اۋماققا جاسىرىپ، بىرنەشە كۇننەن كەيىن كولىكپەن الماتى قالاسىنا الىپ كەتۋدى جوسپارلاعان.
«كۇدىكتى ءوز كىناسىن تولىق مويىندادى. قازىرگى تاڭدا اتالعان دەرەككە قاتىستى ق ر قك-نىڭ 296-بابىنىڭ 4-بولىگى (اسا ءىرى مولشەردەگى ەسىرتكى زاتتارىن ساقتاۋ، تاسىمالداۋ) بويىنشا سوتقا دەيىنگى تەرگەۋ امالدارى باستالدى. بۇل باپتىڭ سانكسياسى 3 جىلدان 7 جىلعا دەيىن باس بوستاندىعىنان ايىرۋدى كوزدەيدى»، – دەدى وبلىستىق پد ەققىقب باستىعى ءالىم باجىقبايەۆ.