ق ر مادەنيەت جانە اقپارات مينيسترلىگى شاكەن ايمانوۆ اتىنداعى «قازاقفيلم» اكسيونەرلىك قوعامىنىڭ اتاۋىن وزگەرتۋ تۋرالى جوبانى قوعامدىق تالقىلاۋعا شىعاردى.
قۇجاتقا سايكەس، شاكەن ايمانوۆ اتىنداعى «قازاقفيلم» ۇلتتىق كينوستۋديا» اق بولىپ قايتا قۇرىلادى، دەپ حابارلايدى Almaty-akshamy.kz.
«بۇل وزگەرىس شىعارىلاتىن فيلمدەردىڭ ساپاسىن ارتتىرۋ، سونداي-اق شەتەلدىك كينوكومپانيالاردى سۋبسيديالاۋدىڭ مەملەكەتتىك وپەراتورى فۋنكسيالارىن ىسكە اسىرۋ ارقىلى شەتەلدىك ينۆەستيسيالار تارتۋ ماقساتىندا ەنگىزىلىپ وتىر»، - دەلىنگەن قۇجاتتا.
سونداي-اق جوبانى ىسكە اسىرۋ مەملەكەتتىك بيۋدجەتتەن قوسىمشا قارجىلىق شىعىنداردى تالاپ ەتپەيتىنى جازىلعان. قۇجات 15 قاراشاعا دەيىن قوعام بولىپ تالقىلاۋ ءۇشىن اشىق نقا سايتىندا جاريالاندى.