كىسى ولتىرگەن كۇدىكتىلەر ەكى ايعا جۋىق ۋاقىت وزدەرى قازعان جەرگە جاسىرىنىپ جۇرگەن، – دەپ حابارلايدى Polisia.kz.
الماتى پوليسەيلەرى وسى جىلدىڭ قازان ايىندا تانىسىن ءولتىرىپ، قىلمىس ءىزىن جاسىرۋ ءۇشىن دەنەسىن ورتەپ جىبەرگەن 22 جانە 33 جاستاعى ەكى ەر ادامدى ۇستادى.
– ارنايى جەدەل-تەرگەۋ توبى قۇرىلدى. كۇنى كەشە كۇدىكتىلەردىڭ تۇرعان جەرى بەلگىلى بولدى: ولار وسى ۋاقىت بويى الماتى – استانا تاس جولىنان 2 شاقىرىم جەردە ورنالاسقان ورىندى قازىپ، (كولەمى 3ح1،3 م، بيىكتىگى 1،7 م) سول جەردە جاسىرىنىپ جۇرگەن. وندا كۇدىكتىلەر وزدەرىنە ارنايى باسپانا جاساپ، تاماقتاناتىن ورىن جاساپ قويعان. ولار وزدەرىنىڭ تانىسىن ولتىرگەندەرىن مويىندادى. كۇدىكتىلەر قاماۋعا الىندى، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.