«ۆەچەرنيايا كاراگاندا» Telegram-ارناسىنىڭ حابارلاۋىنشا، ساعات 6:00 شاماسىندا قارقارالى قالاسىنىڭ شەتىندە قاسقىر 2 ايەلگە شابۋىل جاساعان.
دەنساۋلىق ساقتاۋ باسقارماسىنىڭ مالىمەتىنشە، ورتالىق وبلىستىق اۋرۋحاناعا اڭ تالاعان ەكى ايەل ءتۇستى. ءبىرىنىڭ قولىندا جاراقات بار. ەكىنشىسىن قاسقىر بىرنەشە رەت تەرەڭ تىستەپ العان، - دەلىنگەن حابارلامادا.
قالا تۇرعىندارىنىڭ ءبىرى قاسقىردىڭ ادامدارعا شابۋىل جاساپ جاتقانىن فوتوعا ءتۇسىرىپ العان. قاسقىر ءبىر ءۇيىر بۇرالقى يتپەن بىرگە قارقارالىنىڭ ىرگەسىن كەزىپ جۇرگەن كورىنەدى.
«بۇگىندە قارقارالىنىڭ كوپ تۇرعىنى بالالارىن مەكتەپكە جىبەرۋدەن باس تارتتى»، - دەپ جازدى «ۆەچەرنيايا كاراگاندا».