پيتتسبۋرگ ۋنيۆەرسيتەتىنىڭ عالىمدارى جۇرگىزگەن زەرتتەۋ ناتيجەسى بويىنشا تانىس يىستەر جاعىمدى ەستەلىكتەردى وياتىپ، جاعىمسىز كۇيدەن ارىلۋعا كومەكتەسەتىنىن انىقتادى.
بۇل جاڭالىقتىڭ دەپرەسسيادان زارداپ شەگەتىن ادامداردى دەرتىنەن ايىقتىرۋعا الەۋەتى جەتەتىنىن العا تارتىپ وتىر. بۇل جايىندا islam.kz پورتالى New York Post اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
دالىرەگى، بۇل ارادا ەستەلىكتەردى وياتاتىن تانىس يىستەر تۋراسىندا ءسوز بولىپ وتىر. بۇل باعىتتاعى زەرتتەۋگە جەتەكشىلىك ەتكەن كيمبەرلي ياننىڭ ايتۋىنشا، تانىس ءارى جاعىمدى ءيىستىڭ ەموسيالىق اسەرى سوزگە قاراعاندا الدەقايدا كۇشتى كەلمەك. بۇل جاڭالىق كۇيزەلىسكە بوي الدىرعانداردى ەمدەۋدە قولدانىلۋى مۇمكىن.