قولدانىستاعى يممۋنداۋ باعدارلاماسىنىڭ كومەگىمەن ەلدە سوڭعى جىلدارى سىرقاتتانۋشىلىقتىڭ تومەندەۋى بايقالدى، دەپ حابارلايدى Almaty-akshamy.kz دەنساۋلىق ساقتاۋ مينيسترلىگىنە سىلەمە جاساپ.
• قىزامىق 2 مىڭ ەسە (1998 جىلى 15346 جاعدايدان 2023 جىلى 7 جاعدايعا دەيىن)،
• پاروتيت 211 ەسە (1998 جىلى 5490 جاعدايدان 2023 جىلى 26 جاعدايعا دەيىن).
مۇنداي دەرەكتەردى بۇگىن الماتىدا ەۋروپالىق يممۋنداۋ اپتالىعى شەڭبەرىندە وتكەن حالىقارالىق كونفەرەنسياعا قاتىسۋشىلار كەلتىردى.
سونىمەن قاتار، "ۆ" گەپاتيتىنىڭ جاعدايلارى - 1998 جىلى 3943 جاعدايدان 2023 جىلى 39 جاعدايعا دەيىن، 101 ەسەدەن استام، ال تۋعاننان باستاپ 1998 جىلى 953 جاعدايدان 2023 جىلى 3 جاعدايعا دەيىن ۆاكسيناسيالاۋدى باستاعان بالالاردىڭ اراسىندا تومەندەدى.
ديفتەريا (2009 جىلدان باستاپ)، پوليوميەليت (1996 جىلدان باستاپ) جاعدايلارى تىركەلگەن جوق. سىرەسپە، كوكجوتەلدىڭ جەكەلەگەن جاعدايلارى تىركەلۋدە، ولار نەگىزىنەن (83% دەيىن) ۆاكسيناسيالانباعان ادامداردىڭ اراسىندا تىركەلگەن.
2024 جىلى جاتىر موينى وبىرىنىڭ قوزدىرعىشى ادام پاپيللوماسى ۆيرۋسىنا قارسى ۆاكسيناسيالاۋ ۇلتتىق ۆاكسيناسيالاۋ كۇنتىزبەسىنە ەنگىزىلدى. جاتىر موينى وبىرى - الەمدەگى ايەلدەردە تارالۋشىلىعى بويىنشا 4ء-شى ورىنداعى وبىر بولىپ تابىلادى. جىل سايىن الەمدە 604 مىڭ جاڭا دياگنوز قويىلعان جاعداي جانە جاتىر موينى وبىرىنان 342 مىڭ ءولىم تىركەلەدى.
قازاقستاندا جىلىنا 1900 جاڭا جاتىر موينى وبىرى جاعدايى انىقتالادى جانە 600-گە جۋىق ايەلدىڭ ءومىرىن قۇتقارۋ مۇمكىن ەمەس. سوندىقتان قازاقستان رەسپۋبليكاسىنىڭ ۇلتتىق كۇنتىزبەسىنە ادام پاپيللوماسى ۆيرۋسىنا قارسى ۆاكسيناسيالاۋدى ەنگىزۋ ەلىمىزدىڭ بولاشاق ۇرپاعىنىڭ دەنساۋلىعىن قورعاۋداعى ماڭىزدى قادام بولىپ تابىلادى.