جۇمىس ساپارى بارىسىندا الماتى اكىمى ەربولات دوسايەۆ قۇرىلىس الاڭىنا بارىپ، جوبانى ىسكە اسىرۋ قارقىنى تۋرالى ايتىلعان باياندامالاردى تىڭدادى.
قۇلجا تراكتىنىڭ وڭتۇستىگىندە، مەدەۋ اۋدانىنداعى «شىعىس قاقپاسى» جاڭا پوليورتالىعىنىڭ اۋماعىندا 2000 ورىندى مەكتەپ سالىنۋدا.
قۇرىلىس الاڭىندا جوبانىڭ مارتەبەسى تۋرالى اقپاراتتى تىڭداپ، قالا اكىمى مەكتەپكە كىرەبەرىس جولدى جانە تۇراق كەڭىستىگىن جايلاستىرۋ كەزىندە قاۋىپسىزدىك شارالارىن قامتاماسىز ەتۋ قاجەتتىگىن اتاپ ءوتتى. وسى ماقساتتا جىلدامدىق رەجيمىن شەكتەۋ ەنگىزىلەدى جانە رەتتەلەتىن جاياۋ جۇرگىنشىلەر وتكەلدەرى جابدىقتالادى. سونداي-اق، قالا اكىمى وبەكتىنىڭ ينجەنەرلىك جەلىلەرىن جالپىقالالىق جەلىلەرگە ۋاقتىلى قوسۋ جانە كورسەتىلگەن مەرزىمدە قۇرىلىستى اياقتاۋ قاجەتتىگىن اتاپ ءوتتى.
«Samruk-Kazyna Construction» اق باسقارما ءتوراعاسىنىڭ ورىنباسارى امانگەلدى ساتتاروۆتىڭ ايتۋىنشا، مەكتەپ ءۇش قاباتتى بولادى، اسحانا تومەنگى قاباتتا، جەرتولەدە ورنالاسادى. اۋماقتا ۇلكەن ستاديون قاراستىرىلعان. جاڭا جول قوزعالىسى ەرەجەسى بويىنشا جوسپارلانعان تۇراق ورنىندا جاسىل ايماق جابدىقتالادى. اۆتوكولىكتەر ءۇشىن بولەك تۇراق بولادى. نىساندى اعىمداعى جىلدىڭ سوڭىنا دەيىن تاپسىرۋ جوسپارلانۋدا.
مەدەۋ اۋدانىنىڭ «دۋمان»، «دۋمان-2»، «اتىراۋ»، «كەڭساي» جانە «الاتاۋ» شاعىن اۋداندارىندا تۇراتىن بالالار جاڭا مەكتەپكە بارا الادى. بۇل اتالعان شاعىن اۋدانداردا ورنالاسقان قولدانىستاعى ءۇش - №98، 99 جانە 64 مەكتەپتەردىڭ جۇكتەمەنى ايتارلىقتاي تومەندەتۋگە مۇمكىندىك بەرەدى.
ەسكە سالساق، الماتىدا مەملەكەت باسشىسىنىڭ باستاماسىمەن «جايلى مەكتەپ» ۇلتتىق جوباسى اياسىندا 36800 وقۋشىعا ارنالعان 22 مەكتەپ سالىنۋدا. ولار ىسكە قوسىلعان كەزدە، 2025 جىلعى 1 قىركۇيەكتەگى جاعداي بويىنشا وقۋشى ورىندارىنىڭ تاپشىلىعى باسقارىلاتىن دەڭگەيگە دەيىن 3-4 مىڭ ورىنعا دەيىن تومەندەيتىن بولادى.