بۇل تۋرالى مادەنيەت جانە سپورت ءمينيسترى داۋرەن ابايەۆ الەۋمەتتىك جەلىدە جاريالادى، دەپ حابارلايدى Almaty-akshamy.kz
«وتكەن اپتادا تانىمال بوكسشى مەرەي اقشالوۆ بوكستان ق ر مەملەكەتتىك جاتتىقتىرۋشىسى بولىپ تاعايىندالدى. ابىرويلى قىزمەتتە تابىس تىلەيمىن! ەلىمىز ءۇشىن جانە ءار قازاقستاندىق ءۇشىن بوكستىڭ ورنى بولەك. سول ءۇشىن ءاردايىم الەمدىك بوكس باسەكەسىنىڭ الدىڭعى ساپىندا بولۋىمىز كەرەك»، – دەپ جازدى مينيستر.
ەسكە سالايىق، م.اقشالوۆ كارەراسىن 2014 جىلى دەنساۋلىعىنا بايلانىستى اياقتادى. ول 2008 جىلى بەيجىڭدە وتكەن وليمپياداعا قاتىسقان.
"استانا ارلاندارى" ساپىندا بۇكىلالەمدىك بوكس سەرياسىندا ونەر كورسەتكەن.
2013 جىلى تامىزدا ازيا چەمپيونى، سول جىلى قىركۇيەكتە الماتىدا وتكەن الەم چەمپيوناتىندا توپ جارعان.