اقشا-نەسيە ساياساتىنىڭ ىسكە اسىرىلۋ بارىسى تۋرالى باياندالدى.
پرەزيدەنت قاسىم-جومارت توقايەۆ ۇلتتىق بانك ءتوراعاسى عالىمجان ءپىرماتوۆتى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.
مەملەكەت باسشىسى ۇلتتىق بانكتىڭ الەمدەگى گەوساياسي جاعدايعا جانە قارجىلىق تۇراقتىلىقتى قامتاماسىز ەتۋگە باعىتتالعان ىس-ارەكەتتەرى تۋرالى ەسەبىن تىڭدادى.
قاسىم-جومارت توقايەۆقا قارجى جانە باعا تۇراقتىلىعىن قامتاماسىز ەتۋ جونىندەگى شارالار، سونىڭ ىشىندە حالىقتىڭ تەڭگەمەن سالعان سالىمدارىن قورعاۋ، سىرتقى جانە ىشكى سەكتورلارداعى نەگىزگى قاتەرلەر ەسكەرىلە وتىرىپ، اقشا-نەسيە ساياساتىنىڭ ىسكە اسىرىلۋ بارىسى تۋرالى باياندالدى.
عالىمجان ءپىرماتوۆ ۆاليۋتا نارىعىنداعى احۋال، ۇلتتىق بانكتىڭ التىن-ۆاليۋتا رەزەرۆتەرىنىڭ جانە ۇلتتىق قور اكتيۆتەرىنىڭ جاي-كۇيى تۋرالى ايتتى.
كەزدەسۋ قورىتىندىسى بويىنشا مەملەكەت باسشىسى ءبىرقاتار ناقتى تاپسىرما بەردى.