قازاقستان بويىنشا نايزاعاي وينايدى، جەل كۇشەيەدى
قازگيدرومەد 1 تامىز، دۇيسەنبىگە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
وڭتۇستىك سيكلون جانە وعان بايلانىستى اتموسفەرالىق فرونتتار ءالى دە قازاقستان اۋماعىنىڭ باسىم بولىگىنە ءوز اسەرىن تيگىزەدى. سالدارىنان جاڭبىر جاۋادى.
ەلدىڭ سولتۇستىگىندە نوسەر جاۋىن جاۋادى. قازاقستان بويىنشا نايزاعاي وينايدى، جەل كۇشەيەدى. بۇرشاق جاۋىپ، داۋىل تۇرادى. تۇندە جانە تاڭەرتەڭ رەسپۋبليكانىڭ سولتۇستىگىندە، سولتۇستىك-باتىسىندا، ورتالىعىندا تۇمان تۇسەدى.
كۇندىز پاۆلودار وبلىسىنىڭ شىعىسىندا، اقمولا وبلىسىنىڭ سولتۇستىك-باتىسىندا قاتتى جاڭبىر جاۋادى.
كۇندىز اتىراۋ وبلىسىنىڭ باسىم بولىگىندە اپتاپ ىستىق ساقتالادى.
تۇركىستان، قىزىلوردا، جەتىسۋ، الماتى وبلىستارىنىڭ باسىم بولىگىندە، اباي، جامبىل وبلىستارىنىڭ وڭتۇستىگىندە توتەنشە ءورت ءقاۋپى ساقتالادى.