428 زاڭسىز ميگرانت مىنگەن نەمىس SeaWatch3 گۋمانيتارلىق كەمەسى اقىرى يتاليانىڭ وڭتۇستىگىندەگى تارانتو پورتىنا كىردى، دەپ حابارلايدى Almaty-akshamy.kz Inform.kz-كە سىلتەمە جاساپ.
وتكەن دەمالىس كۇندەرى ەرىكتىلەر لىق تولى ۇرلەمەلى قايىقتاردان افريكا مەن تاياۋ شىعىستان كەلگەن جۇزدەگەن ادامدى قۇتقاردى.
وسىدان كەيىن بوسقىندار ءبىر اپتاعا جۋىق ۋاقىتتى اشىق تەڭىزدە 40 گرادۋس ىستىقتا وتكىزۋگە ءماجبۇر بولدى. ولار يتاليا بيلىگىنەن ەل پورتتارىنىڭ بىرىنە كىرۋگە رۇقسات كۇتتى. تەك سوڭعى بىرنەشە ايدىڭ ىشىندە يتاليانىڭ وڭتۇستىگىندەگى سۋ ايدىندارىنان سۋعا باتقان بەس ميگرانتتىڭ دەنەسى تابىلدى. 2022 جىلدىڭ ءبىرىنشى جارتىسىندا يتالياعا تەڭىز ارقىلى 34 مىڭعا جۋىق ادام كەلگەن. بۇل وتكەن جىلدىڭ وسى كەزەڭىمەن سالىستىرعاندا 10 مىڭعا ارتىق.
ءبىراق ءبارى وزگەرۋى مۇمكىن. 25 قىركۇيەكتە يتاليالىقتار پارلامەنت سايلاۋىندا داۋىس بەرەدى. ەگەر وڭشىل «باۋىرلاس يتاليا» پارتياسى بيلىككە كەلسە، ەلدە باسپانا الۋ الدەقايدا قيىن بولۋى مۇمكىن.