تامىز ايىندا قازاقستاندىقتار 1 كۇن ارتىعىمەن دەمالادى.
30 تامىز – كونستيتۋسيا كۇنى مەملەكەتتىك مەرەكەسى، دەپ حابارلايدى Almaty-akshamy.kz.
«قازاقستان رەسپۋبليكاسىنداعى مەرەكەلەر تۋرالى» زاڭعا سايكەس، ەلىمىزدە ۇلتتىق جانە مەملەكەتتىك مەرەكەلەر اتاپ وتىلەتىن كۇندەر قازاقستان رەسپۋبليكاسىنىڭ ەڭبەك زاڭدارىنا سايكەس مەرەكە كۇندەرى دەپ تانىلادى. سونداي-اق وسى زاڭدا مەملەكەتتىك مەرەكە كۇنى جۇمىس ىستەمەيتىن كۇن بولىپ سانالاتىندىعى كورسەتىلگەن.
بيىل 30 تامىز سارسەنبى كۇنىنە تۋرا كەلىپ تۇر. وسىعان وراي قازاقستاندىقتار مەرەكەدە ءبىر كۇن عانا دەمالادى.
جالپى، اپتاسىنا بەس كۇن ەڭبەك ەتەتىندەر ءۇشىن تامىزدا 9 كۇن دەمالىس بولسا، التى كۇندىك جۇمىس اپتاسىمەن ەڭبەك ەتەتىندەر 5 كۇن عانا دەمالادى.
ايتا كەتەرلىگى، كونستيتۋسيا كۇنى ەلىمىزدە مەرەكە رەتىندە 1995 جىلدان بەرى اتالىپ وتىلەدى.