تامىزدا اي ەكى رەت تولادى

2023 جىلدىڭ تامىز ايىندا سيرەك كەزدەسەتىن استرونوميالىق قۇبىلىس بولادى.

ءبىر اي ىشىندە – 1 جانە 31 تامىز كۇندەرى ەكى رەت اي تولادى جانە بۇل سوڭعى 42 جىلدا ءبىرىنشى رەت بولماق، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«ماسكەۋ پلانەتارييىنىڭ» مالىمەتىنە سايكەس، مۇنداي جاعداي 2000-2042 جىلدار ارالىعىندا ءبىر رەت قانا بولادى. ماماندار تۇسىندىرگەندەي، ەكى تولىق اي اراسىنداعى ۋاقىت ارالىعى 29، 53 كۇن. بۇل ايدىڭ ورتاشا ۇزاقتىعىنان ءسال قىسقا. سوندىقتان ~2،7154 جىل ىشىندە كۇنتىزبەدە قوسىمشا تولىق اي جينالىپ، ءبىر جىلدا ادەتتەگى ون ەكى ەمەس، ون ءۇش تولىق اي بولۋى مۇمكىن ەكەنىن ەسكە سالادى.

31 تامىزداعى سۋپەراي كەزىندە جەر تۇرعىندارى 2023 جىلدىڭ ەڭ ۇلكەن تولىق ايىن كورە الادى. بۇل كۇنى اي پەريگەيگە مۇمكىندىگىنشە جاقىن بولادى (جەردەن ەڭ از قاشىقتىق).

استرونومداردىڭ ايتۋىنشا، تولىق اي فازاسىنىڭ اي وربيتاسىنىڭ پەريگەيىمەن ەڭ جاقىن سايكەس كەلۋى 2023 جىلدىڭ 31 تامىزىندا بولماق. اي ءوز وربيتاسىنىڭ پەريگەلياسىندا 30 تامىزدا ساعات 21:52-دە بولادى. ال تولىق اي فازاسى استانا ۋاقىتى بويىنشا 07:37-دە وتەدى. بۇل وقيعالار اراسىنداعى ايىرماشىلىق 9 ساعات 45 مينۋتتى قۇرايدى.