الماتىدا وسىنداي اتاۋمەن ارنايى ناۋقان ءوتتى.
ادام ساۋداسى – ادام قۇقىقتارىن ورەسكەل بۇزۋ جانە حالىقارالىق زاڭنامادا ءقاۋىپتى قىلمىس بولىپ ەسەپتەلەدى. ساراپشىلاردىڭ باعالارى بويىنشا الەمدە 2،5 ميلليونعا جۋىق ادام قازىرگى زامانعى قۇل الىپ-ساتۋشىلاردىڭ قولىندا، دەپ حابارلايدى Almaty-akshamy.kz Polisia.kz-كە سىلتەمە جاساپ.
جىل سايىن مىڭداعان ەر ادامدار، ايەل ادامدار جانە بالالار ءوز ەلدەرىندە جانە شەت ەلدەردە ادام ساۋدالاۋشىلاردىڭ قولىنا تۇسەدى. 2013 جىلى بۇۇ باس اسسامبلەياسى دۇنيەجۇزىلىك ادام ساۋداسىنا قارسى كۇرەس كۇنىن بەلگىلەدى، ونى بۇۇ-نىڭ حالىقارالىق كۇندەرىنىڭ جۇيەسىندە 30 شىلدەدە اتاپ وتەدى.
ونىڭ نەگىزگى مىندەتى – ادام ساۋداسى قۇرباندارىنىڭ جاعدايى، ولاردىڭ قۇقىقتارىن كوتەرمەلەۋ جانە قورعاۋ تۋرالى حاباردارلىعىن ارتتىرۋ. ادام ساۋداسىنا قارسى كۇرەستىڭ حالىقارالىق نىشانى ادام ساۋداسى قۇرباندارىنىڭ قايعىسىن بىلدىرەتىن جانە بىزگە ادامداردى ساتىپ الىپ، ساتاتىن ادامداردىڭ قاتىگەزدىگى تۋرالى ەسكە سالاتىن كوگىلدىر جۇرەك بولدى. بيىلعى جىلى بۇۇ-نىڭ ەسىرتكى جانە قىلمىس جونىندەگى باسقارماسىنىڭ ادام ساۋداسى تۋرالى سوڭعى دۇنيەجۇزىلىك ەسەبىندە انىقتالعان الاڭداۋشىلىق تۋدىراتىن وقيعالار مەن ۇردىستەر تۋرالى حاباردار بولۋدى كۇشەيتۋگە باعىتتالعان بۇۇ “ادام ساۋداسىنىڭ ءاربىر قۇربانى ماڭىزدى، ەشكىم ۇمىتىلماۋى ءتيىس” تاقىرىبىن انىقتادى جانە ۇكىمەتتى، قۇقىق قورعاۋ ورگاندارىن، مەملەكەتتىك قىزمەتتەردى جانە ازاماتتىق قوعامدى قۇربانداردىڭ الدىن الۋ، انىقتاۋ جانە قولداۋ، سونداي-اق كىنالىلەردى جاۋاپكەرشىلىككە تارتۋ بويىنشا ءوز كۇش-جىگەرىن باعالاۋعا جانە جانداندىرۋعا شاقىرادى. حالىقارالىق باستاماشىلىقتى قولداۋدا قازاقستان رەسپۋبليكاسى ىشكى ىستەر مينيسترلىگى قوعامدىق جانە ۇكىمەتتىك ەمەس ۇيىمدارمەن بىرلەسىپ، 29-30 شىلدەدە “ادام ساۋداسىن بىرگە توقتاتامىز!” اتتى اقپاراتتىق ناۋقانىن جۇرگىزەدى. پروفيلاكتيكالىق ناۋقان شەڭبەرىندە تاقىرىپتىق بەينەروليكتەردى ترانسلياسيالاۋ، ادام ساۋداسىنىڭ پروبلەماسى تۋرالى اقپارات جانە “116 16” سەنىم تەلەفونىنىڭ ءنومىرى بار تاراتۋ ماتەريالدارىن تاراتۋ كوزدەلىپ وتىر.