الماتىدا سۇلۋلىق سالونى مەن ازىق-تۇلىك دۇكەنى ورنالاسقان ەكى قاباتتى عيمارات ورتەندى

قىزىل جالىن دەر كەزىندە اۋىزدىقتالدى. 

الماتى قالالىق تجد-نىڭ اقپاراتى بويىنشا، بۇگىن ساعات 12:21-دە 101 پۋلتىنە ناۋرىزباي اۋدانى، جاندوسوۆ كوشەسى، 11 ا مەكەنجايىندا ءورت شىققانى تۋرالى تۇرعىنداردان 7-10 حابارلاما تۇسكەن، دەپ حابارلايدى Almaty-akshamy.kz.

«ءورت سوندىرۋشىلەر 6 مينۋتتا جەتكەن ساتتە ەكى قاباتتى عيمارات شاتىرىنىڭ جابىندىسى مەن عيماراتتىڭ سىرتى ورتەنىپ جاتقانىن انىقتادى. قىزىل جالىن 100 شارشى مەتردى الىپ، ءورتتىڭ كورشىلەس ەكى قاباتتى تۇرعىن ۇيگە تارالۋ ءقاۋپى تۋىندادى. ءورت ساعات 12:37-دە وقشاۋلانىپ، ساعات 12:43-تە جويىلدى»، - دەپ حابارلادى تجد-دان.

ءورت سوندىرۋشىلەر ەكىنشى قاباتتاعى سۇلۋلىق سالونى مەن ءبىرىنشى قاباتتاعى ازىق-تۇلىك دۇكەنىنىڭ، جاپسارلاس سالىنعان ءۇي-جايلاردى ورتتەن امان الىپ قالدى.

«سونىمەن قاتار، ءورتتىڭ شاشتارازعا جانە ىرگەلەس عيماراتتاعى تۇرمىستىق حيميا دۇكەنىنە وتۋىنە جول بەرىلمەدى. زارداپ شەككەندەر بولعان جوق. ءورتتىڭ سەبەبى انىقتاۋ ءۇشىن وقيعا ورنىندا ءورت ءسوندىرۋ زەرتحاناسىنىڭ انىقتاۋشىلارى مەن ماماندارى جۇمىس ىستەپ جاتىر»، - دەپ حابارلادى دەپارتامەنتتەن.