تامىز ايىندا اۋا رايى قانداي بولادى؟

رەسپۋبليكانىڭ باسىم بولىگىندە – ورتالىق، وڭتۇستىك جانە باتىس وڭىرلەردە اۋا تەمپەراتۋراسى 38 گرادۋسقا دەيىن جەتەدى.

تامىز ايىندا ەلىمىزدىڭ وڭتۇستىك، ورتالىق جانە باتىس وڭىرلەرىندەگى تۇرعىندارعا ءورت قاۋىپسىزدىگىن مۇقيات ساقتاۋ قاجەت بولادى، دەپ حابارلايدى اlmaty-akshamy.kz

بۇل - توتەنشە جاعدايلار مينيسترلىگى ورتكە قارسى قىزمەت كوميتەتى ءتوراعاسىنىڭ ورىنباسارى مارات حاسەنوۆتىڭ ەسكەرتۋى.

 «قازگيدرومەت» مالىمەتتەرى بويىنشا، تامىز ايىندا اي بويىنداعى ورتاشا تەمپەراتۋرا قالىپتى بولادى. رەسپۋبليكانىڭ باسىم بولىگىندە – ورتالىق، وڭتۇستىك جانە باتىس وڭىرلەردە اۋا تەمپەراتۋراسى 38 گرادۋسقا دەيىن جەتەدى. ياعني، ءورت قاۋىپسىزدىگى ەرەجەلەرىن جوعارى دەڭگەيدە ساقتاۋ كەرەك دەگەن ءسوز»، — دەدى كوميتەت ءتوراعاسىنىڭ ورىنباسارى.

 سونداي-اق ول ءورت قاۋىپسىزدىگىن ساقتاماۋ قانداي جاۋاپكەرشىلىككە سوقتىراتىنىن ەسكە سالدى.

«ازاماتتاردى ورمان مەن دالادا بولعان كەزدە ءورت قاۋىپسىزدىگى ەرەجەلەرىن ساقتاۋعا شاقىرامىن. ءورت قاۋىپسىزدىگىن ساقتاماعانى ءۇشىن اكىمشىلىك قۇقىق بۇزۋشىلىق تۋرالى كودەكستىڭ 336، 337، 410-باپتارىمەن جازا قاراستىرىلعانىن ەسكە سالعىم كەلەدى»، – دەدى مينيسترلىك وكىلى.