الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين تۇرعىنداردى ءوزارا بايلانىستى شەكتەۋگە شاقىردى.
وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا باس سانيتار دەرت جۇقتىراتىن ىقتيمال ورىندار ساۋدا نىساندارى، وتباسىلىق بايلانىس جانە قوعامدىق كولىكتەر ەكەنىن ايتتى، دەپ حابارلايدى اlmaty-akshamy.kz
جانداربەك بەكشين ينفەكسيانى جۇقتىرۋ ەپيدەميولوگياداعى ستاندارتتى كورسەتكىشكە قاتىستى ەكەنىن اتاپ ءوتتى. ال بۇل كارانتيندىك شارالاردىڭ تيىمدىلىگىن باعالاۋعا مۇمكىندىك بەرەدى.
سوڭعى 7 كۇندە الماتىدا كۆي جۇقتىراتىن نەگىزگى ورىندار مىنالار: ساۋدا نىساندارىندا – 35%، وتباسىلارداعى بايلانىستار – 19%، قوعامدىق كولىكتە قاتىناۋ – 16%، بازارلار - 14%، ساياباق پەن حالىقتىڭ دەمالاتىن جاياۋ جۇرگىنشىلەر كوشەلەرى – 3،6% بولدى.
سونىمەن قاتار ينفەكسيانىڭ ناقتى ورىندارى انىقتالدى. سوڭعى اپتادا تۋىستارمەن جانە كورشىلەرمەن بايلانىس كەزىندە كۆي ينفەكسياسى 0،2–0،4%-عا ءوستى. ورامىشىلىك ازىق-تۇلىك ەمەس دۇكەندەردە – 0،1%-عا جانە قوعامدىق تاماقتانۋ نىساندارىندا، مەيرامحانالاردا، ءدامحانا مەن اسحانالاردا – 0،2%-عا، مونشا مەن ساۋنالاردا – 0،4%-عا جۇقتىرۋ وسكەنى بايقالدى.
«Ashyq جوباسىنا قاتىسۋشى نىساندارعا بارۋ كەزىندە جۇقتىرعانداردىڭ ۇلەس سالماعى 106-دان 186 ادامعا دەيىن ارتتى، بۇل ولاردىڭ كىرەبەرىستەگى كەلۋشىلەردى باقىلاۋ بويىنشا رەسمي جۇمىسى تۋرالى كۋالاندىرادى. جوباعا دەگەن وسىنداي كوزقاراس حقكو-دا 16 ادامدى، ساۋنالاردا، باسسەين مەن فيتنەس-ورتالىقتاردا 11 ادامدى، مەيرامحانالاردا، كافەلەردە 8 قالا تۇرعىنىن جانە بانكەت زالدارىندا 5 ادامدى انىقتادى»، – دەدى جانداربەك بەكشين.
مەگاپوليستىڭ باس سانيتارلىق دارىگەرى الماتىلىقتارعا مىندەتتى تۇردە بەتپەردە تاعۋدى، جۇمىس بولمەسىن، ءۇي-جايلاردى ۇنەمى جەلدەتىپ وتىرۋدى، ادام كوپ جينالاتىن ورىندارعا بارماۋدى ءوتىندى. ينفەكسياعا كۇدىك تۋىنداعان جاعدايدا، بىردەن دارىگەردىڭ كومەگىنە جۇگىنىپ، باسقا ادامدارعا جۇقتىرماۋ ءۇشىن شەكتەۋ شارالارىن ساقتاۋ قاجەت.