قازاقستاننىڭ تاريحي-مادەني مۇراسى تاريحي ەستەلىكتەرگە باي زياتكەرلىك جانە رۋحى جوعارى قوعامدى قالىپتاستىرۋ مەن دامىتۋدىڭ پارمەندى تەتىگى بولا الادى.
ۇلتتىق برەندتەردى دامىتۋ جونىندەگى ونلاين-كەڭەسكە ءتوراعالىق ەتكەن قازاقستان رەسپۋبليكاسى پرەمەر-مينيسترىنىڭ ورىنباسارى ەرالى توعجانوۆ وسىلاي دەدى، دەپ حابارلايدى اlmaty-akshamy.kz
رrimeminister.kz سايتىنىڭ حابارلاۋىنشا، كەڭەسكە ورتالىق جانە جەرگىلىكتى اتقارۋشى ورگانداردىڭ باسشىلارى قاتىستى، اتالعان باعىتتار بويىنشا جول كارتالارىن ازىرلەۋ بويىنشا ناقتى تاپسىرمالار بەرىلدى.
«قازاقستان ءوزىنىڭ ۇلتتىق جوبالارى مەن برەندتەرىن دامىتۋى ءتيىس، وسى قۇندىلىقتار ارقىلى قازاق ەلىنىڭ تانىمالدىلىعى ارتادى. بۇل حالىقتىڭ رۋحىن كوتەرىپ، قازاقستاندىق بىرەگەيلىكتى ايقىندايتىن ۇلتتىق داستۇرلەردى جاڭعىرتۋدا ەل تۇرعىندارىن بىرىگۋگە كومەكتەسەدى»، — دەپ اتاپ ءوتتى ەرالى توعجانوۆ.
قازىرگى ۋاقىتتا «رۋحاني جاڭعىرۋ» باعدارلاماسىن ۇلتتىق جاڭعىرۋ كەزەڭىنە كوشىرۋ جونىندەگى جول كارتاسى ىسكە اسىرىلۋدا. قازاقستاننىڭ تاريحي-مادەني مۇراسى تاريحي ەستەلىكتەرگە باي زياتكەرلىك جانە رۋحى جوعارى قوعامدى قالىپتاستىرۋ مەن دامىتۋدىڭ پارمەندى تەتىگى بولا الادى. «قازاق كۇرەسىن» جاپپاي دامىتۋ ون جىل بۇرىن «قازاقستان بارىسى» جوباسىن جۇزەگە اسىرۋدان باستالدى. تانىمالدىق دەڭگەيىنىڭ ارتۋى «الەم بارىسى» جانە «ەۋرازيا بارىسى» سەكىلدى حالىقارالىق ءىس-شارالاردا بايقالۋدا. بۇگىن «قازاقستان بارىسى» حالىق ونەرىن جانداندىرۋ جانە ۇلتتىق ويىنداردى ناسيحاتتاۋ بويىنشا وزىندىك سايىس ءتۇرى بولىپ قالىپتاستى. جىل سايىن تۋرنيرگە 9 مىڭنان استام جانكۇيەر، 2 ملن-نان استام كورەرمەن قاتىسادى. بۇل جوبا حالىقتىڭ زور قولداۋىنا يە بولدى.
كۇن تارتىبىندەگى ەكىنشى ماسەلە قازاقى قازانات (قوستانايلىق تۇقىم) جىلقى تۇقىمىن دامىتۋعا قاتىستى بولدى. اتقا ءمىنۋ مادەنيەتى مەن جىلقى شارۋاشىلىعى جەر بەتىنە ۇلى دالادان تارالعانى تاريحتان بەلگىلى. جاھاندىق دەڭگەيدە بۇل شارۋاشىلىق جانە اسكەري سالادا بۇرىن-سوڭدى بولماعان جاڭاشىلدىققا جول اشتى. بۇگىنگى كۇنى قازاقى قازانات (قوستانايلىق تۇقىم) تۇقىمىنداعى جىلقىلاردى قالپىنا كەلتىرۋ مەن ساقتاۋ بويىنشا جول كارتاسى ازىرلەندى. تاريحي ەسكەرتكىشتەر مەن مادەنيەتتىڭ مەملەكەتتىك تىزىمىنە «پاتشالىق جىلقىلار قوراجايى» («سارسكايا كونيۋشنيا») عيماراتتارىن قوسۋ جانە قازانات تۇقىمىنداعى جىلقىلاردى اسىل تۇقىمدىق سىناۋ جۇيەسىن ەنگىزۋ بويىنشا جۇمىستار جۇرگىزىلۋدە.