"پافوس فۋتبول كلۋبىنىڭ باس باپكەرى كارلوس كاركەدو چەمپيوندار ليگاسىنىڭ جالپى كەزەڭدەگى "قايراتقا" قارسى سىرت الاڭداعى كەزدەسۋدە كومانداسىنىڭ جەڭىسكە جەتۋ مۇمكىندىكتەرى بولعانىن ايتتى، - دەپ حابارلايدى AqshamNews.kz ءتىلشىسى.
كيپرلىك كلۋبتىڭ باس باپكەرىنىڭ ويىننان كەيىنگى باسپا ءسوز ءماسليحاتىندا ايتۋىنشا، 0:0 ەسەبىمەن اياقتالعان ماچتە ونىڭ كومانداسى ءۇش-تورت ناقتى گولدىق مۇمكىندىككە يە بولعان. سونىمەن قاتار، ول تەمىرلان اناربەكوۆتىڭ ويىنىنا قاتىستى پىكىر ءبىلدىردى.
"قايراتتىڭ قاقپاشىسى تاماشا سەيۆ جاسادى. ءبىز ون ويىنشىمەن ويناۋعا دايىن ەدىك. ەكى قاقپاشى دا جاقسى ويىن كورسەتتى، ءبىراق "قايراتتىڭ" گولكيپەرى بىرنەشە ساتتە كومانداسىن قۇتقارىپ قالدى." – دەدى پافوس باپكەرى كارلوس كاركەدو ماچتان كەيىنگى باسپا ءسوز كونفەرەنسياسىندا.
ول "قايراتتىڭ" اگرەسسيۆتى ويناعانىن قوسا كەتتى:
"گول سوعا بىلدىك، ءبىراق ونى الىپ تاستادى. دەگەنمەن، جالپى ناتيجە ءبىز ءۇشىن وڭدى بولدى دەپ ەسەپتەيمىن. ءبىز بارىنشا جاقسى ويىن كورسەتتىك. “قايراتتىڭ” وتە اگرەسسيۆتى وينايتىنىن بىلدىك، ءبىز دە اگرەسسيا تانىتقىمىز كەلدى، ءبىراق قولدان كەلمەدى. بۇل جەردە ءۇش ۇپايمەن كەتۋگە مۇمكىندىك بار ەدى، ءبىراق بۇل - جارىس"، - دەدى "پافوس" فك باس باپكەرى.
سونداي-اق مامان الماتىداعى اتموسفەرا مەن ستاديونداعى ويىننىڭ كۇردەلىلىگىن اتاپ ءوتتى:
“بۇل ستاديوندا ويىن قيىن بولاتىنىن بىلدىك. سىزدەر ءوز ويىندارىڭىزدى جاساي المادىڭىزدار - ءبىز مۇمكىندىك بەرمەدىك"، - دەپ تۇيىندەدى ول.
ايتا كەتەيىك، "قايرات" پەن "پافوس" اراسىنداعى ماچ تەڭ ناتيجەدە اياقتالعان بولاتىن.