"قايرات" كيپرلىك "پافوسقا" قارسى ءماچتى تەڭ اياقتادى، - دەپ حابارلايدى aqshamnews.kz ءتىلشىسى.
الماتىداعى ورتالىق ستاديوندا وتكەن “قايرات” پەن كيپرلىك “پافوس” اراسىنداعى ماچ اياقتالدى.
كوماندالاردىڭ باستاپقى قۇرامى تومەندەگىدەي بولدى:
قايرات: اناربەكوۆ، تاپالوۆ، مارتىنوۆيچ، سوروكين، لۋيس ماتا، اراد، گلەيزەر، مرىنسكيي، جورجينو، گرومىكو، ساتبايەۆ؛
پافوس: نەوفيتوس، پيلەاس، داۆيد لۋيز، لۋكاسەن، برۋنو، شۋنجيچ، پەپە، ورشيچ، دراگومير، كينا، دجواو كوررەيا.
سۋرەت: سامات قۇسايىنوۆ
العاشقى تايم قالاي ءوربىدى؟
ويىننىڭ العاشقى مينۋتتارىنان-اق الاڭداعى شيەلەنىس سەزىلدى. 4-مينۋتتا “پافوس” قورعاۋشىسى جواۋ كوررەيا “قايرات” ويىنشىسى لۋيش ماتاعا قارسى دورەكى ويناعانى ءۇشىن قىزىل قاعاز الىپ، الاڭنان قۋىلدى. وسى ساتتەن كەيىن الماتىلىقتار ءبىر ويىنشىعا ارتىق ويناپ، شابۋىلدى كۇشەيتتى.
بىرنەشە ءقاۋىپتى شابۋىلدار ۇيىمداستىرىلعانىمەن، شەشۋشى سوققىلار ناتيجەسىز اياقتالدى. 21-مينۋتتا “قايراتتىڭ” شابۋىلشىسى داستان ساتپايەۆ ەسكەرتۋ الدى.
سۋرەت: سامات قۇسايىنوۆ
قاقپاشى تەمىرلاننىڭ ەرلىگى
ويىننىڭ ەڭ ءقاۋىپتى ساتتەرىنىڭ ءبىرى 33-مينۋتتا بولدى. “پافوس” شابۋىلشىسى دراگومير “قايرات” قاقپاشىسىمەن بىرگە-بىر شىققان ەدى. ءبىراق تەمىرلان اناربەكوۆ ناعىز كاسىبي رەاكسيا تانىتىپ، سوققىنى بەتىمەن قايتاردى. سول ساتتە ول جاراقات الىپ، ءبىراز ۋاقىت الاڭدا جاتتى. جانكۇيەرلەر وعان زور قولداۋ كورسەتىپ، قاقپاشى بىرنەشە مينۋتتان سوڭ ويىندى جالعاستىردى.
وسىلايشا ءبىرىنشى تايم 0:0 ەسەبىمەن تۇيىندەلدى.
سۋرەت: سامات قۇسايىنوۆ
ەكىنشى تايمداعى الما-كەزەك شابۋىلدار
ۇزىلىستەن كەيىن “قايراتتىڭ” باس باپكەرى رافاەل ورازباحتين تاكتيكالىق وزگەرىس جاسادى. ەركىن تاپالوۆتىڭ ورنىنا 87ء-نومىرلى ازامات تۇياقبايەۆ الاڭعا شىقتى.
55-مينۋتتا جورجينو “پافوس” قاقپاشىسىمەن بىرگە-بىر شىققانىمەن، سوققىسى ءساتسىز بولدى.
61-مينۋتتا زاريا گلازەردىڭ ورنىن باستى.
68-مينۋتتا داۆيد ءلۋيزدىڭ قاتتى سوققىسىن اناربەكوۆ قايتارا ءبىلدى.
70-مينۋتتا داستان ساتپايەۆتىڭ ءجۇز پايىزدىق مۇمكىندىگى بولعانىمەن، گول سوعا المادى.
سۋرەت: سامات قۇسايىنوۆ
“قايراتتىڭ” باعىنا وراي...
72-مينۋتتا “پافوس” شابۋىلشىسى دراگومير باعىتتاعان دوپ قاقپا باعاناسىنا ءتيىپ، ودان اناربەكوۆتىڭ ارقاسىنا سوعىلىپ، تورعا تۇسكەندەي بولدى. العاشىندا اۆتوگول دەپ ەسەپتەلگەن بۇل ءسات VAR جۇيەسى ارقىلى تەكسەرىلىپ، دراگومير ويىننان تىس قالعانى انىقتالىپ، گول ەسەپتەلمەدى.
80-مينۋتتا داۆيد لۋيز سارى قاعاز الدى.
قوسىمشا بەرىلگەن ءتورت مينۋتتا (90+4) دا ەسەپ وزگەرمەدى.
ماچ ناتيجەسىنشە “قايرات” پەن “پافوس” تەڭ ءتۇستى. ويىن بارىسىندا الماتىلىقتار دوپقا يەلىك ەتۋ جاعىنان دا، شابۋىل جاعىنان دا باسىم بولعانىمەن، ساتتىلىك سەرىك بولمادى. وسىلايشا، قازاقستاندىق كلۋب چەمپيوندار ليگاسىنداعى العاشقى ۇپايلارىن الدى.
ايتا كەتەيىك، 6 قاراشادا “قايرات” سىرت الاڭدا يتاليالىق “ينتەر” كومانداسىمەن وينايدى.