الەۋمەتتىك ماسەلەلەر جونىندەگى ۆيسە-پرەمەر تامارا دۇيسەنوۆا "قازۇۋ-دىڭ پاك قىزدار ءتىزىمىن" جاريالاۋعا كىنالىلەر جاۋاپقا تارتىلاتىنىن ايتتى، دەپ حابارلايدى almaty-akshamy.kz Ulysmedia.kz. سىلتەمە جاساپ.
تامارا دۇيسەنوۆانىڭ ايتۋىنشا، ستۋدەنتتەردىڭ دەربەس دەرەكتەرى تاراعاننان كەيىن ۋنيۆەرسيتەتتە ۇلكەن قىزمەتتىك تەرگەۋ جۇرگىزىلىپ، ماتەريالدار ىشكى ىستەر مينيسترلىگىنە جولدانعان.
– قىلمىستىق ءىس بويىنشا تەرگەۋ ءالى اياقتالعان جوق. ول اياقتالعاننان كەيىن قاتىسى بار ادامداردىڭ بارىنە ءتيىستى شارا قابىلدانادى. بۇل ءتىزىمدى بەرگەن ەمحاناعا دا، ۋنيۆەرسيتەتتىڭ وزىنە دە قاتىستى بولادى. اقپاراتتىق قاۋىپسىزدىك ماسەلەلەرى بار. بىر-بىرىنە اقپارات بەرۋ ماسەلەسى كوپ بولسا دا، قۇپيالىلىق بويىنشا شارالار قاجەت، - دەيدى دۇيسەنوۆا.
قازۇۋ رەكتورى جانسەيىت تۇيمەبايەۆ قىزمەتتەن كەتۋى كەرەك پە دەگەن ساۋالعا دۇيسەنوۆا بۇل سۇراققا ازىرگە جاۋاپ بەرۋگە ەرتە ەكەنىن ايتىپ، تەرگەۋ قورىتىندىسىن كۇتۋدى ءوتىندى.
اقپان ايىنىڭ ورتاسىندا قازاقستاندا "قازۇۋ قىزدارىنىڭ ءتىزىمى" اشىق جاريالانىپ، جانجال تۋعان ەدى. WhatsApp-تا 190 ادامنان تۇراتىن ستاروستالار توبى ستۋدەنتتەردىڭ ءتىزىمى بار ءتورت قۇجاتتى تاستاعانى بەلگىلى بولدى (1-4 كۋرس). قىزداردىڭ اتى-جونىنەن باسقا، ولاردىڭ جسن، ۇيالى نومىرلەرى جانە ۆيرگو (ستۋدەنتتەردىڭ پاكتىگى) تۋرالى مەديسينالىق مالىمەتتەر تاراپ كەتكەن.
وقيعاعا پرەزيدەنت اكىمشىلىگى نازار اۋداردى. باس پروكۋراتۋرا 3 جىلدان 7 جىلعا دەيىن باس بوستاندىعىنان ايىرۋدى كوزدەيتىن باپ بويىنشا قىلمىستىق ءىس قوزعادى.