الماتىدا جول-كولىك ينفراقۇرىلىمىن مودەرنيزاسيالاۋ جۇمىستارى جۇرگىزىلۋدە. ماسەلەن، 2023 جىلى قالا جولدارىندا 2 مىڭ «قالقىمالى» ليۋك ورناتىلدى. مەگاپوليس اكىمى ەربولات دوسايەۆ مەملەكەت باسشىسى قاسىم-جومارت توقايەۆقا بايانداما جاساپ، ەسەپ بەردى، دەپ حابارلايدى almaty-akshamy.kz
«اعىمداعى جىلى تاعى 10،2 مىڭ وسىندا ليۋك ورناتىلادى، بۇل جولدارداعى بارلىق ليۋكتەردىڭ 25% -ىن اۋىستىرۋعا مۇمكىندىك بەرەدى. جالپى، بۇل ليۋكتەردى پايدالانۋ مەرزىمىن 2 ەسەگە – 4 جىلدان 8 جىلعا دەيىن ۇلعايتۋعا جانە جول قوزعالىسى قاۋىپسىزدىگىن ارتتىرۋعا مۇمكىندىك بەرەدى»، - دەپ ناقتىلادى ءسوزىن ەربولات دوسايەۆ.
بەكىتۋ ادىسىندەگى «قالقىمالى» ليۋكتەردىڭ ەرەكشەلىگى: ولاردىڭ جىلجىمالى كورپۋستارى بار، ولار كارىز قۇدىقتارىنا قوسىمشا جۇكتەمە جاسامايدى، سوندىقتان قۇرىلىم ۇزاق ۋاقىت بويى تۇراقتى جانە ۇزاققا جارامدى بولادى.
ايتا كەتەرلىگى، قازىرگى ۋاقىتتا الماتى جولدارىندا 40 مىڭ ليۋك ورنالاسقان، ونىڭ 38 مىڭى – ەسكى ۇلگىدەگى. ولار تەز توزادى جانە تەمپەراتۋرانىڭ وزگەرۋىنە بايلانىستى پايدالانۋ ساپاسىن جوعالتادى.