«تاليبان» قوزعالىسى وزبەكستاننىڭ اۋعانستاندا سالاتىن تەمىر جول قۇرىلىسىنا قولداۋ كورسەتەدى.
«تاليبان» راديكالدى قوزعالىسى اۋعانستانداعى «بەيبىت پروسەستەگى» وزبەكستاننىڭ «سىندارلى ءرولى» تۋرالى ايتقان. بۇل تۋرالى وزبەكستان سىرتقى ىستەر مينيسترلىگىنىڭ رەسمي وكىلى يۋسۋپ كابۋلجانوۆ ءوزىنىڭ Telegram-كانالىندا جازدى، دەپ حابارلايدى Almaty-akshamy.kz Lenta.ru سىلتەمە جاساپ.
يۋسۋپ كابۋلجانوۆتىڭ ايتۋىنشا، بۇعان «تاليبان» قوزعالىسىنىڭ باسپا ءسوز حاتشىسى موحامماد سۋحەيل ءشاحيننىڭ وزبەكستان تاۋەلسىزدىگىنىڭ 30 جىلدىعىنا وراي قۇتتىقتاۋى دالەل بولا الادى.
بۇل قۇجاتتا تاليبتەردىڭ «وزبەكستاننىڭ قاتىسۋىمەن اۋعانستانداعى ينفراقۇرىلىمدىق جوبالاردى ىسكە اسىرۋدى جالعاستىرۋعا» قىزىعۋشىلىق تانىتىپ وتىرعانى جازىلعان، اتاپ ايتقاندا - تەمىرجول مەن ەلەكتر جەلىلەرىنىڭ قۇرىلىسى. سونىمەن بىرگە شاحين اۋعانستاننىڭ قازىرگى باسشىلىعى «وزبەك سەرىكتەستەرىنىڭ» باستامالارىنا قولداۋ كورسەتۋگە ۋادە بەرگەن.
بۇعان دەيىن وزبەكستان پرەزيدەنتى شاۆكات ميرزيەيەۆ تاشكەنت پەن «تاليبان» قوزعالىسى اراسىندا اگرەسسياعا جول بەرمەيتىن كەلىسىم بار ەكەنىن ايتقان بولاتىن. شاۆكات ميرزيەيەۆ سونداي -اق سودىرلارمەن بايلانىس ورناتۋداعى ارەكەتتەرى تۋرالى ايتىپ بەردى. ولارمەن «ەشبىر ەل قارىم-قاتىناس ورناتپاي تۇرعاندا، وزبەكستان ۇكىمەتى «بەيبىتشىلىك پەن تىنىشتىق» ءۇشىن كەز كەلگەن توپتارمەن ديالوگقا بارۋعا دايىن ەكەندىگىن ايتقان.
15 تامىزدا «تاليبان» سودىرلارى اۋعانستاننىڭ بۇكىل اۋماعىن باقىلاۋعا العانىن حابارلاعان بولاتىن. سونىمەن قاتار راديكالدار الداعى ۋاقىتتا اۋعانستان جەرىندە يسلام امىرلىگىن قۇرۋ تۋرالى جاريالايتىندارىن ايتقان.