اۋرۋحاناعا تۇسكەن 11 ادام ۇيىنە ورالدى.
جامبىل وبلىسىندا ورىن العان جارىلىستان جارالانعانداردىڭ جارتىسىنا جۋىعى ۇيلەرىنە ورالدى. جاعدايى جاقسارعان اسكەريلەر گوسپيتالعا اۋىستىرىلىپ، كەيبىرى ءۇي كۇتىمىنە جىبەرىلدى، دەپ حابارلادى Almaty-akshamy.kz Almaty.tv سىلتەمە جاساپ.
ال، قازا بولعان 15 ادامنىڭ ءبىرى بۇگىن جەر قويناۋىنا تاپسىرىلدى. قۇتقارۋشى بولىپ قىزمەت اتقارعان 1996 جىلى تۋعان ادىلەت قاناتبەكۇلىن بۇكىل قۇمجوتا اۋىلى اقتىق ساپارعا شىعارىپ سالدى.
«ەڭ بولماسا ۇيلەنىپ ارتىنان بالا دا قالمادى. اكە-شەشەسى عانا قالدى. سول وكىنىشتى. الدىنان جارىلقاسىن»، – دەدى ادىلەتتىڭ تۋىسى ءبيبىحان الىبايەۆا.
اۋىلداستارى ادىلەتتى باتىر رەتىندە ەسكە الاتىندارىن ايتادى. جەرگىلىكتى بيلىك تە، ەرلەردىڭ ەسىمى ۇمىتىلمايدى دەپ وتىر. قازىرگى ۋاقىتتا قازا بولعانداردىڭ وتباسىنا وتەماقى بەرۋ ماسەلەسىن قاراستىرىپ جاتقان كورىنەدى. ياعني رەسپۋبليكالىق بيۋدجەتتەن 10 ملن، جەرگىلىكتى قازىنادان 5 ملن، وعان قوسىمشا نەسيەلەرى بولسا وتەۋگە كومەك قولىن سوزباق.