ازاماتتىق قوعام قۇرۋ جولىنداعى قارىمدى دا ارىندى قادام دەپ بىلەمىن.
قازاقستاننىڭ اقپارات جانە قوعامدىق دامۋ ءمينيسترى ايدا بالايەۆا قازاقستان پرەزيدەنتى قاسىم-جومارت توقايەۆ بۇگىنگى حالىققا ارناعان ءۇشىنشى جولداۋىندا دا ەلىمىزدە جۇرگىزىلىپ جاتقان ساياسي جاڭعىرۋ رەفورمالارىن جۇيەلى جالعاستىرۋدىڭ ماڭىزدىلىعىنا ەرەكشە ءمان بەرگەنىن اتاپ ءوتتى، دەپ حابارلايدى Almaty-akshamy.kz.
ءمينيستردىڭ پىكىرىنشە، قازاقستان تاۋەلسىزدىگىن العاش جاريالانعاننان باستاپ مەملەكەتتەگى ىشكى ساياسي تۇراقتىلىق مەن ەتنوسارالىق تاتۋلىق قاعيدالارى وسى مەملەكەتتىك ساياساتتىڭ باستى ۇستانىمى بولىپ كەلگەن.
«وسىنىڭ ارقاسىندا ەگەمەن ەلىمىز 30 جىلداعى جاھاندىق دامۋدا جوتالى جەتىستىكتەر مەن بەدەرلى بيىكتەردى تۇراقتى باعىندىرىپ كەلەدى. دەگەنمەن، جەتىستىككە جەتۋ بار دا، ونى سول دەڭگەيدە ۇستاپ تۇرۋ بار. بۇل تەك بيلىك پەن حالىق اراسىندا ساۋاتتى دا سىندارلى بايلانىس ورناتا العان قوعامدا عانا بۇل مۇمكىن بولادى. سوندىقتان دا مەملەكەت الەۋمەتپەن اراداعى وسى ديالوگتى ساقتاپ قانا قويماي، ءوزارا سەنىم دەڭگەيىن تۇسىرمەي ونى ارى قاراي نىعايتا جەتىلدىرۋ ءۇشىن ۇنەمى قاجەتتى شارالاردى قابىلداپ كەلەدى. ونىڭ جارقىن ءبىر مىسالى – قۇرىلعاننان بەرى ىس-ارەكەتىمەن سەنىم ۇدەسىنەن شىعا بىلگەن پرەزيدەنت جانىنداعى ۇلتتىق قوعامدىق كەلىسىم كەڭەسى. بۇگىنگى كۇنى بۇل تەك كونسۋلتاتيۆتى كەڭەس رەسۋرسى عانا ەمەس، مول ينتەلەكتۋالدى مۇمكىندىگى بار ءتيىمدى ءارى الەۋەتتى قۇرىلىم. مەملەكەت باسشىسىنىڭ الدىڭعى جولداۋلارىندا ايتىلعان رەفورمالاردى ناتيجەلى دە تولىققاندى ىسكە اسۋىنا تىڭ سەرپىن بەرەتىن كۇشكە اينالدى. پرەزيدەنت بۇگىنگى حالىققا ارناعان ءۇشىنشى جولداۋىندا دا ەلىمىزدە جۇرگىزىلىپ جاتقان ساياسي جاڭعىرۋ رەفورمالارىن جۇيەلى جالعاستىرۋدىڭ ماڭىزدىلىعىنا ەرەكشە ءمان بەردى»، – دەپ جازعان ايدا بالايەۆا ءوز Facebook پاراقشاسىندا.
بۇل رەتتە مينيستر مەملەكەت باسشىسىنىڭ ۇلتتىق كەڭەس مىنبەرىندە كوتەرگەن باستامالارى نەگىزىندە ءساتتى ىسكە اسقان ساياسي رەفورمالار پاكەتىن اتاپ وتكەن.
«قوعامدا قوردالانعان كوپتەگەن ماڭىزدى قوعامدىق-ساياسي جانە الەۋمەتتىك-قۇقىقتىق ماسەلەلەر ءوز شەشىمىن تاپتى. مىسالى، اۋداندىق دەڭگەيلەگى قالالار مەن اۋىل اكىمدەرىن سايلاۋ رەفورماسى سونىڭ ايقىن دا جارقىن دالەلى بولا الادى. ەلىمىزدىڭ 14 وڭىرىندە قۇرىلعان 1 847 سايلاۋ ۋچاسكەلەرىندە وتكەن اتالعان سايلاۋدا 2 297 ۇمىتكەردىڭ ىشىنەن ەل تۇرعىندارى 730 جەرگىلىكتى اكىمدى سايلاپ الدى. سونىڭ ىشىندە، ولاردىڭ 627ء-سى «اۋىل»، «اق جول»، حكپ، اDAL سىندى ساياسي پارتيالار ۇسىنعان ۇمىتكەرلەردەن تاڭدالدى. مۇنىڭ ءوزى، مەملەكەت باسشىسىنىڭ باستاماسىمەن قولعا الىنعان رەفورمالاردىڭ ساياسي پارتيالار مەن ازاماتتىق قوعام الاڭىنداعى بەلسەندىلىكتى ودان ارى جانداندىرۋعا تىڭ سەرپىن بەرگەنىن كورسەتەدى»، – دەپ ويلادى مينيستر.
ونىڭ پىكىرىنشە، سوندىقتان دا پرەزيدەنت بۇل باعىتتا قولعا الىنعان شارالاردىڭ دۇرىستىعىنا كەزەكتى رەت توقتالىپ، 2024 جىلى تۇرعىندارعا اۋدان اكىمدەرىن سايلاۋعا مۇمكىندىك بەرىلەتىنىن اتاپ ءوتتى.
«مۇنىمەن قاتار، مەملەكەت باسشىسى، جەرگىلىكتى ءوزىن-وزى باسقارۋدى جەتىلدىرۋ ىسىندە اۋىلدىق جەرلەردەگى ازاماتتىق باستامالارعا قولداۋ كورسەتۋدىڭ ماڭىزدىلىعىنا نازار اۋدارىپ، گرانتتىق قارجىلاندىرۋ جۇيەسىن بەيىمدەۋدىڭ ءتيىمدى تەتىگىن ازىرلەۋدى تاپسىردى. ءسوز جوق، اتالعان شارالاردىڭ بارلىعى دا ساياسي ساۋاتتى، دەموكراتيالىق تۇسىنىگى پىسىپ-جەتىلگەن، الەۋمەتتىك بەلسەندىلىگى جوعارى ازاماتتىق قوعام قۇرۋ جولىنداعى قارىمدى دا ارىندى قادام دەپ بىلەمىن»،– دەپ جازدى ايدا بالايەۆا.