«تاليبان» قوزعالىسىنىڭ وكىلى مۋدجاحيد قىتايدى قوزعالىستىڭ باستى سەرىكتەسى دەپ مالىمدەدى.
«تاليبان» قوزعالىسى قىتايدى ءوزىنىڭ باستى شەتەلدىك سەرىكتەستىگى رەتىندە قابىلدايدى. بۇل تۋرالى قوزعالىستىڭ وكىلى زابيۋللا مۋدجاحيد ايتتى، دەپ حابارلايدى Almaty-akshamy.kz Lenta.ru cىلتەمە جاساپ.
«جۇڭگو (...) بىزگە نەگىزگى جانە ايرىقشا مۇمكىندىك بەرەدى، سەبەبى ول ءبىزدىڭ ەلگە ينۆەستيسيا سالۋعا دايىن»، - دەدى تاليبان وكىلى. ونىڭ ايتۋىنشا، قحر سوعىستان كەيىن اۋعانستاندى قالپىنا كەلتىرۋدە جاۋىنگەرلەرگە كومەك كورسەتەدى.
تەرروريست قىتايدىڭ «ءبىر بەلدەۋ - ءبىر جول» ەكونوميكالىق جوباسىن جوعارى باعالاپ، وسىلايشا بەيجىڭنىڭ «ەجەلگى جىبەك جولىن» جانداندىرىپ جاتقانىن اتاپ ءوتتى. مۋجاحيد «تاليبان» قوزعالىسى اۋعانستاننىڭ تاۋ-كەن ونەركاسىبىن قالپىنا كەلتىرۋدە بەيجىڭنىڭ كومەگىنە سەنەتىنىن جەتكىزدى.
ول اۋعانستاننىڭ مىس كەنىشتەرىنە ەرەكشە نازار اۋداردى، «قىتايلىقتاردىڭ ارقاسىندا بۇل كەنىش ورىندارى قايتا جاندانىپ، مودەرنيزاسيادان ءوتۋى مۇمكىن». ءوز ءسوزىن قورتىندىلاي كەلە، مۋدجاحيد جۇڭگو حالىق رەسپۋبليكاسى كابۋل ءۇشىن «الەمنىڭ بار نارىعىنا» جول اشاتىن مۇمكىندىك دەپ باعالادى.
بۇعان دەيىن «تاليبان» قوزعالىسى قىتايمەن بولاشاقتاعى ىنتىماقتاستىق تۋرالى ايتقان جانە اۋعانستاندى قالپىنا كەلتىرۋ ۇردىسىنە تۇركيا مەملەكەتىن قوسقىسى كەلەتىنىن مالىمدەگەن بولاتىن. تالىبتەر انكارادان دەنساۋلىق ساقتاۋ، ءبىلىم، ەكونوميكا، قۇرىلىس جانە ەنەرگەتيكا سياقتى ءبىرقاتار سالالاردى دامىتۋدا كومەك العىسى كەلەتىنىن باسا ايتتى.