تۇرعىندارعا الەۋمەتتىك ماڭىزى بار ازىق-تۇلىك تاۋارلارىنىڭ قولجەتىمدى بولۋى قالا بيلىگىنىڭ ۇنەمى نازارىندا.
ازىق-تۇلىك ونىمدەرىن شىعاراتىن جەرگىلىكتى وتاندىق تاۋار وندىرۋشىلەردى قولداۋ ماقساتىندا، سونداي-اق الماتى قالاسىندا الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ تەتىكتەرىن ىسكە اسىرۋ شەڭبەرىندە «الماتى» الەۋمەتتىك-كاسىپكەرلىك كورپوراسياسى» اق مەن «الساد قازاقستان» ج ش س اراسىندا 1-ساناتتاعى «Alsad» تاۋىق جۇمىرتقاسىن 49،5 ملن. دانامەن شىعارۋ جانە وتكىزۋ بويىنشا قارىز شارتى جاسالدى.
«Alsad» برەندى ءبىرىنشى كەزەڭدە «Magnum» سۋپەرماركەتتەرىنىڭ ساۋدا جەلىلەرى ارقىلى، ال ەكىنشى كەزەڭدە قالانىڭ باسقا دا ءىرى ساۋدا جەلىلەرىندە ساتىلاتىن بولادى.
اتالعان جۇمىرتقانىڭ سورەدەگى بۇگىنگى باعاسى 448 تەڭگە (10 داناسى).
الماتى قالاسى ستاتيستيكا دەپارتامەنتىنىڭ اپتا سايىنعى مونيتورينگىنە جۇگىنسەك، قالا بويىنشا 2 قىركۇيەكتەگى جاعدايعا سايكەس، 1-ساناتتى تاۋىق جۇمىرتقاسىنىڭ ورتاشا باعاسى – 486 تەڭگە.