كارتينانىڭ پرەمەراسى وسى جىلدىڭ كۇزىنە جوسپارلانعان.
«قارا قىز» ءفيلمىنىڭ تيزەرى شىقتى، دەپ حابارلايدى Almatya-akshamy.kz.
"بايتەرەك پروداكشن شب" ءجشس-ى تانىمال وتاندىق رەجيسسەر تالعات تەمەنوۆتىڭ ("ماحاببات بەكەتى") جاڭا جوباسى - "قارا قىز" ءفيلمىنىڭ تيزەرىن ۇسىنادى.
اسكەري دراما ەكىنشى دۇنيەجۇزىلىك سوعىس كەزىندەگى ساربازدارىمىزدىڭ ەرلىگى مەن باتىلدىعى جانە قازاق قىزدارىنىڭ قايسارلىعى تۋرالى باياندايدى.
باستى رولدەردى جاس اكتەرلەر نۇراي ساقتاپوۆا مەن ەرلان قۇلمۇرزين سومداپ شىققان. نۇراي ءۇشىن بۇل كينوداعى دەبيۋتتىك ءرول بولسا، ال ەرلان كوپتەگەن تەلەحيكايالاردان بەلگىلى اكتەر.
سونداي-اق، فيلمدە تانىمال اكتەرلەر دۋلىعا اقمولدا، مەدگات ۋميرالييەۆ جانە باسقالار تۇسكەن. كارتينانىڭ ءتۇسىرىلىمى وتكەن جىلى سولتۇستىك قازاقستان وبلىسىنىڭ اۋماعىندا، پەتروپاۆل قالاسىنىڭ ماڭىندا، سونداي-اق الماتى وبلىسىنىڭ اقشي اۋىلىندا ءوتتى.
ءفيلمنىڭ ساۋندترەگى "قاراعىم-اي" كومپوزيسياسى بولادى، ونى فيلم ءۇشىن ارنايى ديماش قۇدايبەرگەن ورىندايدى.
فيلم ق ر مادەنيەت جانە سپورت مينيسترلىگىنىڭ تاپسىرىسى بويىنشا ۇلتتىق كينونى قولداۋ مەملەكەتتىك ورتالىعىنىڭ كومەگىمەن وندىرىسكە ەنگىزىلدى. ءفيلمنىڭ بيۋدجەتى 547 ملن 636 مىڭ تەڭگەنى قۇرايدى.