وسىعان بايلانىستى قازاقستان رەسپۋبليكاسىنىڭ اۋەجايلارىندا، ۆوكزالدارىندا جانە اۆتوموبيل پۋنكتتەرىندە پيراميدالار ەلىنەن كەلەتىندەردى باقىلاۋ كۇشەيتىلدى.
2023 جىلعى 16 شىلدەدە باق-تا جاريالانعان مىسىر دەنساۋلىق ساقتاۋ جانە ەل تۇرعىندارى مينيسترلىگىنىڭ اقپاراتى بويىنشا، ەلدە بەلگىلەرى دەنگە بەزگەگىنە ۇقساس بەلگىسىز اۋرۋ تىركەلگەن، دەپ حابارلايدى Almaty-akshamy.kz Zakon.kz-كە سىلتەمە جاساپ.
«ەلگە كىرگەن كەزدە اۋەجايدا، تەمىرجول ۆوكزالدارىندا جانە اۆتوموبيل پۋنكتتەرىندە سانيتاريالىق-كارانتيندىك پۋنكتتە ناۋقاستاردى ۋاقتىلى انىقتاۋ جانە مەديسينالىق كومەك كورسەتۋ ماقساتىندا دەنە تەمپەراتۋراسىن قاشىقتان ولشەۋ ارقىلى كەلگەندەرگە مونيتورينگ جۇرگىزىلەدى»، - دەلىنگەن ق ر دسم سانيتاريالىق-ەپيدەميولوگيالىق باقىلاۋ كوميتەتىنىڭ حابارلاماسىندا.
سانيتاريالىق-ەپيدەميولوگيالىق باقىلاۋ كوميتەتىنىڭ مالىمەتىنشە، قازاقستاندا جىل سايىن اۋرۋدىڭ جەكەلەگەن جاعدايلارى تىركەلەدى. اعىمداعى جىلى دەنگە بەزگەگى بويىنشا قولايسىز ەلدەردەن (تايلاند) كەلگەن ادامدار اراسىندا ونىڭ 2 جاعدايى تىركەلدى.