سينگاپۋر پاسپورتى 2023 جىلى الەمدەگى ەڭ «مىقتى» قۇجات اتاندى – ونىڭ يەسى الەمنىڭ 193 ەلىنە ۆيزاسىز ساپارلاي الادى
جاپونيا جاھاندىق قوزعالىس ەركىندىگىن ولشەيتىن Henley Passport Index رەيتينگىندە بەس جىل بويى جاپونيا كوش باستاپ تۇرعان.
ءبىراق 2023 جىلدىڭ جازىنا قاراي جاپونيا ءۇشىنشى ورىنعا ءتۇسىپ، تيتۋلدىڭ جاڭا يەگەرى سينگاپۋر بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل ەلدىڭ ازاماتتارى الەمنىڭ 227 ەلىنەن 193-ىنە ۆيزاسىز بارا الادى.
بيىل قازاقستان يندەكستە 66-شى ورىندا تۇر، ەلىمىزدىڭ ازاماتتارى 77 ەلگە ۆيزاسىز ساپار جاساي الادى.
ايتا كەتۋ كەرەك، ءبىزدىڭ ەل يندەكستە ايتارلىقتاي كوتەرىلگەن – بىلتىر ول تىزىمدە 73ء-شى ورىندا تۇرعان ەدى.
ازيا ەلدەرى لوندونداعى Henley & Partners جاھاندىق كونسالتينگتىك فيرماسى قۇرعان يندەكستە ۇزاق ۋاقىت بويى ۇستەمدىك ەتتى.
ءبىراق بيىل گەرمانيا، يتاليا جانە يسپانيا 190 باعىتقا ۆيزاسىز ساپارلاۋ قۇقىعىن الىپ، ەكىنشى ورىنعا كوتەرىلدى.
جاپونيا مەن وڭتۇستىك كورەيا اۆستريا، فينليانديا، فرانسيا، ليۋكسەمبۋرگ جانە شۆەسيامەن قاتار ءۇشىنشى ورىندا. وسى كەرەمەت «جەتىلىكتىڭ» ازاماتتارى الدىن-الا ۆيزاسىز 189 باعىتقا جۇرە الادى.
2014 جىلى تىزىمدە ءبىرىنشى ورىندا تۇرعان امەريكا قۇراما شتاتتارى مەن ۇلىبريتانيا يندەكستە تومەن تۇسۋدە.
ۇلىبريتانيا ەكى ساتى تومەن ءتۇسىپ، رەيتينگتە 4ء-شى ورىنعا يە بولعان. اقش تاعى ەكى ساتى تومەندەپ، 8ء-شى ورىننان كورىندى.
ونىڭ ازاماتتارى 183 ۆيزاسىز باعىت بويىنشا ساپارلاي الادى.
اۋعانستان ازاماتتارى الدىن الا ۆيزاسىز تەك 27 باعىتقا، يراك 29 باعىتقا، سيريا ازاماتتارى 30 ەلگە بارا الادى.