بەلگىلى جۋرناليست، اقىن تالعات ەشەن ۇلى «ايقىن-ليتەر» ج ش س ديرەكتورى بولىپ تاعايىندالدى – دەپ حابارلايدى Almaty-akshamy.kz Aikyn.kz.cىلتەمە جاساپ.
تالعات ەشەن ۇلى 1974 جىلى 15 قازاندا قازىرگى اباي وبلىسى اياكوز اۋدانى تارباعاتاي اۋىلىندا تۋعان. ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتى جۋرناليستيكا فاكۋلتەتىندە وقىعان.
1996-1997 جىلدارى حالىقارالىق «زامان-قازاقستان» گازەتىندە، 1997-1998 جىلدارى «جاس الاش» رەسپۋبليكالىق گازەتىندە ءتىلشى، قوعامدىق-ساياسي ءبولىمنىڭ مەڭگەرۋشىسى بولىپ قىزمەت ىستەدى.
1998-2004 جىلدار ارالىعىندا قازاقستان رەسپۋبليكاسىنىڭ اقپارات مينيسترلىگىندە، قازاقستان رەسپۋبليكاسىنىڭ مادەنيەت، اقپارات جانە قوعامدىق كەلىسىم مينيسترلىگىندە ءتۇرلى جاۋاپتى قىزمەتتەر اتقاردى.
2004-2005 جىلدار ارالىعىندا «جاس الاش» گازەتىنىڭ استاناداعى تىلشىلەر قوسىنىنىڭ جەتەكشىسى بولدى.
2005-2008 جىلدارى «جاس قازاق» رەسپۋبليكالىق قوعامدىق-ساياسي گازەتىنىڭ باس رەداكتورى قىزمەتىن اتقاردى. 2008-2009 جىلدارى ق ر پرەزيدەنتى اكىمشىلىگىنىڭ سەكتور مەڭگەرۋشىسى.
2009-2010 جىلدارى «نۇر وتان» پارتياسى (قازىرگى «Amanat» – رەد.) ءتوراعاسىنىڭ ءبىرىنشى ورىنباسارىنىڭ كەڭەسشىسى.
«سامۇرىق-قازىنا» ۇلتتىق ءال-اۋقات قورى» اكسيونەرلىك قوعامىندا باس مەنەدجەر بولىپ قىزمەت ەتكەن.
«شابىت» حالىقارالىق شىعارماشىلىق جاستار فەستيۆالىنىڭ «ادەبيەت»، «جۋرناليستيكا» نوميناسيالارى بويىنشا (1999 جىل، 2000 جىل) جەڭىمپازى. ج.ناجىمەدەنوۆ، ت.ايبەرگەنوۆ اتىنداعى سىيلىقتاردىڭ لاۋرەاتى.
ق ر پرەزيدەنتى ستيپەندياسىنىڭ (1999 جىل)، «دارىن» مەملەكەتتىك جاستار سىيلىعىنىڭ يەگەرى (2006 جىل). «قازاقستان رەسپۋبليكاسىنىڭ تاۋەلسىزدىگىنە 10 جىل» مەدالىمەن، «اباي» حالىقارالىق مەدالىمەن ماراپاتتالعان.